U17. საქართველოს ნაკრები ევროპის ჩემპიონატის ელიტრაუნდშია! [VIDEO]

საქართველოს 17-წლამდე ფეხბურთელთა ნაკრები ევროპის 2018 წლის ჩემპიონატის ელიტრაუნდში ითამაშებს!

27 ოქტომბერს, გიორგი ნემსაძის გუნდმა საკვალიფიკაციო ეტაპის XIII ჯგუფის მეორე შეხვედრაში ჩერნოგორიის თანატოლთა ნაკრებთან ანგარიშით 2:0 გაიმარჯვა და ორი მოგებით შემდეგ ეტაპზე გასვლა გაინაღდა. მიხეილ მესხის სახელობის სტადიონზე გამართულ მატჩში გოლები ზურიკო დავითაშვილმა (29-ე წუთი) და ხვიჩა კვარაცხელიამ (46) გაიტანეს.

შეგახსენებთ, რომ ჯგუფის პირველ მატჩში ქართველმა 17-წლამდელებმა მინიმალური ანგარიშით ლატვიას სძლიეს, მესამე ტურის შეხვედრას კი 30 ოქტომბერს, "მიხეილ მესხზე" იტალიელ თანატოლებთან გამართავენ, რომლებმაც დღეს ლატვიას სძლიეს (1:0).

ჯგუფის პირველადგილოსნის ვინაობა სწორედ საქართველო-იტალიის დაპირისპირებაში გაირკვევა.

საქართველოს ნაკრებმა ჩერნოგორიასთან მატჩი ამ შემადგენლობით ჩაატარა: ხარშილაძე, კაპანაძე, გელაშვილი, ნონიკაშვილი აზაროვი, კვარაცხელია, გულიაშვილი (73' გაგუა), დავითაშვილი (80+3' მოისწრაფიშვილი), აბზიანიძე (65' ლორდქიფანიძე), მექვაბიშვილი, შალიკაშვილი.

სათადარიგო შემადგენლობა: კუტალაძე, ბაქრაძე, ჯანგველაძე, ლომთაძე, შვარცი.

1569
მკითხველის კომენტარები / 0 /
მსგავსი ამბები
რუბრიკის სხვა სიახლეები
;