U18. ევროპის ჩემპიონატი: საქართველო ფინალშია! რუსეთი ადვილად გავიარეთ 

საქართველოს 18-წლამდელთა ნაკრებმა კალინინგრადში მიმდინარე ევროპის ჩემპიონატზე ნახევარფინალში რუსეთის ნაკრებს 10 ლელო გაუტანა, რომელთაგანაც 7 გარდასახა, და მეტოქე 64:10 დაამარცხა. 

„უმცროსმა ბორჯღალოსნებმა“ მთელი მატჩი მაღალ დონეზე ჩაატარეს. მორკინალებმა მძლავრი დარტყმებით მოწინააღმდეგის მოთამაშეები გვარაიანად „დაჩეჩქვეს“, რაც ჩვენს უკანახაზელებს სათამაშო სივრცეს კიდევ უფრო უზრდიდა. რუსთა ნაკრების ხაზის გაჭრა არცერთი ჩვენიანისთვის ყოფილა პრობლემა. 

ერთადერთი ჩავარდნა ჩვენს გუნდს მეორე ტაიმში ჰქონდა. იმ ხუთწუთიან მონაკვეთში რუსებმა ლელოს გატანა შეძლეს. სხვა მხრივ, ქართველი მორაგბეების უპირატესობა იმდენად დიდი იყო, რომ დასკვნით 10-15 წუთში მასპინძლები წინააღმდეგობას ვეღარ გვიწევდნენ. 

ფინალში საქართველოს 18-წლამდელთა ნაკრები ესპანეთს დაუპირისპირდება, რომელმაც ნახევარფინალში პორტუგალიას სძლია 20:5. 
საქართველო U18-რუსეთი U18 64:10 

საქართველო: 15. დათო ნინიაშვილი, 14. ლაშა კაკაურიძე, 13. ზაურ ლუტიძე, 12. გიორგი ყუფარაძე, 11. ლევან ბრაგვაძე, 10. დაჩი პაპუნაშვილი, 9. ლუკა მატკავა; 1. დათო აბდუშელიშვილი, 2. ლუკა პეტრიაშვილი, 3. ალექსანდრე ქუნთელია, 4. რობი ნერსეზაშვილი, 5. ტატო გვიმრაძე, 6. ლუკა ივანიშვილი, 7. ლუკა ჩქარეული, 8. გიორგი ქობალია

16. ნუგზარ სომხიშვილი, 17. საბა ხონელიძე, 18. ირაკლი მჭედლიძე, 19. ლუკა მაჭარაშვილი, 20. თორნიკე ზაქარიაძე; 21. ფრიდონ წიკლაური, 22. ბესო თაყნიაშვილი, 24. ლუკა ხეხელაშვილი, 25. თემურ კოხოძე, 26. ლევან ქუშაშვილი

10ლ: ნინიაშვილი, კაკაურიძე, ლუტიძე, მატკავა, პეტრიაშვილი, გვიმრაძე, ივანიშვილი, ზაქარიაძე, კოხოძე, ქუშაშვილი. 7გ: პაპუნაშვილი. 

ნახევარფინალი

პორტუგალია-ესპანეთი 5:20
20 აპრილი 

III ადგილისთვის
რუსეთი-პორტუგალია

ფინალი
საქართველო-ესპანეთი

934
მკითხველის კომენტარები / 1 /
london
0
როდისაა ფინალი?რომელი ქალაქში??
მსგავსი ამბები
რუბრიკის სხვა სიახლეები
;