U18. ევროპის ჩემპიონატი: 40 მორაგბე პოლონეთისთვის

18-წლამდელ მორაგბეთა შორის ევროპის ჩემპიონატს 2018 წლის 23 მარტიდან 1-ელ აპრილამდე პოლონეთი უმასპინძლებს და მასში მხოლოდ ევროპული გუნდები მიიღებენ მონაწილეობას. სამწუხაროდ, 18-წლამდელთა ევროპის ღია ჩემპიონატზე თამაშში უარი იაპონიამ, კანადამ და აშშ-ის ნაკრებებმა თქვეს და ტურნირს ძლიერი სარაგბო ქვეყნებიდან კვლავ მხოლოდ საფრანგეთი შემორჩა.

საქართველოს 18-წლამდელთა ნაკრები, რომელსაც უკვე წლებია, დავით ჩავლეიშვილი თავკაცობს, საწვრთნელ შეკრებაზე "შევარდენის სანაკრებო ბაზაზე" გუშინ შევიდა. ვარჯიშები 7 დეკემბერს დასავლეთის სარაგბო აკადემიის გუნდთან საკონტროლო მატჩით დასრულდება. ეს გუნდი 19-წლამდელი მორაგბეებით გაძლიერებული იქნება.

ევროპის ჩემპიონატის დაწყებამდე კი, "უმცროსი ბორჯღალოსნები" საწვრთნელ შეკრებაზე საზღვარგარეთ გაემგზავრებიან და სამ საკონტროლო მატჩს გამართავენ.
დავით ჩავლეიშვილი, საქართველოს 18-წლამდელთა ნაკრების მთავარი მწვრთნელი:

"საწვრთნელი შეკრების განმავლობაში მოთამაშეებს უკეთ გავიცნობთ. ვნახავთ, რისი გაკეთება შეგვიძლია. მათ ჩვენს მიზნებსა და გეგმებს გავაცნობთ. ამასთან ერთად, ვიმუშავებთ ფიზიკური კონდიციების გაუმჯობესებაზე.

შეკრებაზე 40 მოთამაშე გვყავს გამოძახებული. ამათგან ნახევარი 18-წლამდელთა შეკრებაზე გასულ ციკლშიც გვყავდა და ეს ადაპტაციას გაგვიიოლებს. გვყავს, ასე ვთქვათ, სარეზერვო ჯგუფიც, რომლებიც საჭიროების შემთხვევაში, ტრავმირებული მოთამაშის ჩასანაცვლებლად მზად იქნებიან. იმედია, ამის საჭიროება არ იქნება".

საქართველოს ნაკრები
დაჩი პაპუნაშვილი, ნიკა სომხიშვილი, გიორგი მიქანაძე (სამივე - არმია), გიორგი ქიმუცაძე, ვანო კარკაძე, დავით გვიდიანი, ლუკა კოხია, დავით გობეჯიშვილი, ლაშა ლომიძე, ირაკლი სიმსივე, დავით გასვიანი (ყველა - აია), დავით აბდუშელიშვილი, ლუკა ჭელიძე, ვლადიმერ ჩაჩანიძე, ვაჟა მაისურაძე, ნიკა ღამბაშიძე, გიორგი მარგალიტაძე, დემეტრე თაფლაძე, დავით ცაგარეიშვილი (ყველა - ლელო), გიორგი ვარდოსანიძე, ლუკა პეტრიაშვილი, საბა კურტანიძე, ფრიდონ წიკლაური, ნიკა ცინცაძე (ყველა - ხვამლი), საბა კურატიშვილი, ლუკა მაჭარაშვილი, გოჩა ჩანადირი (სამივე - არმაზი), ნიკა ფიროსმანიშვილი (თბილისი), ირაკლი პურიჭამიაშვილი, ზურა ქავთარაძე (სამივე - ხარები), ლუკა მუჩიაშვილი (ვეფხვები), იოანე იაშაღაშვილი, ბართლომე კალაძე (ორივე - იუნკერები), გიგა კობახიძე, გიგი ლეშკაშელი (ორივე - ბაგრატი), მიხეილ ალანია, თეიმურაზ ჭიჭინაძე (ორივე - ჯიქი), სანდრო დვალი (ლოკომოტივი), ზუკა მინდიაშვილი (აკადემია), ოთარ ლაშხი (ჩოხოსნები).

ყოველდღიური სპორტული გაზეთი "ლელო"
340
მკითხველის კომენტარები / 0 /
მსგავსი ამბები
რუბრიკის სხვა სიახლეები