U19. საქართველო შესარჩევ ციკლს მასპინძლებით იწყებს

საქართველოს 19-წლამდელთა ნაკრები 9 ოქტომბერს უნგრეთში ევროპის ჩემპიონატის შესარჩევ ეტაპს იწყებს. რამაზ სვანაძის გაწვრთნილ გუნდს, მასპინძელთან ერთად, ჯგუფში მეტოქეებად ჰყავს ხორვატია და ყაზახეთი.

ელიტრაუნდში ჯგუფიდან ორი საუკეთესო გუნდი გავა. შესარჩევის სასტარტო შეხვედრას 9 ოქტომბერს, 20 საათზე, მასპინძელ უნგრეთთან გავმართავთ. საქართველოს ნაკრების შემადგენლობა ასეთია:

მეკარეები - ლუკა კუტალაძე (დინამო თბ), რევაზ ლომიძე (ლოკომოტივი);

მცველები - თორნიკე ჯანგიძე (დინამო თბ), სანდრო კალანდაძე (დინამო თბ), ზურაბ ჭავჭანიძე (ლოკომოტივი), ცოტნე კაპანაძე (რუსთავი), ლაშა აწყურელი (დინამო თბ), ირაკლი აზაროვი (დინამო თბ), ივა გელაშვილი (სპარტა, ჩეხეთი), შოთა ნონიკაშვილი (საბურთალო);

ნახევარმცველები - გიორგი მოისწრაფიშვილი (დინამო თბ), ანზორ მექვაბიშვილი (დინამო თბ), ანატოლი მესიაჩენკო (სამტრედია), ნიკა გაგნიძე (დილა), ზურიკო დავითაშვილი (რუბინი, რუსეთი), ხვიჩა კვარაცხელია (რუბინი, რუსეთი), ნოდარ ლომინაძე (დინამო თბ);

თავდამსხმელები - გიორგი იაკობიძე (ლოკომოტივი), გიორგი გაგუა (ალავესი, ესპანეთი), გიორგი გულიაშვილი (საბურთალო).

1087
მკითხველის კომენტარები / 0 /
მსგავსი ამბები
რუბრიკის სხვა სიახლეები
;