U20. ბორჯღალოსნები. მიზანი უძლიერესთა შორის დარჩენაა 

სამხრეთაფრიკული შეკრებიდან დაბრუნების შემდეგ საქართველოს ახალგაზრული ნაკრები არგენტინაში, 4-22 ივნისს გასამართი მსოფლიო რაგბის 20-წლამდელთა ჩემპიონატისთვის მზადებას განაგრძობს.

„უმცროსი ბორჯღალოსნები“ დასკვნით საწვრთნელ პროცესს „შევარდენის სანაკრებო ბაზაზე“ გაივლიან. 

ნაკრების გაფართოებულ შემადგენლობაში 38 მორაგბეა. გუნდს რამდენიმე მოთამაშე 18-წლამდელთა ნაკრებიდან დაემატა, რომლებიც ცოტა ხნის წინათ ევროპის ჩემპიონები გახდნენ. 20-წლამდელებს შეუერთდა იაგო ხაბულიანიც, რომელმაც შვიდკაცა რაგბის ნაკრებთან ერთად ზიმბაბვეს ტურნირი მოიგო. მორაგბეები ორშაბათიდან პარასკევამდე ივარჯიშებენ, შაბათ-კვირას დაისვენებენ, შეკრებას კი 21 მაისს დაასრულებენ და 25-ში გეზს არგენტინისკენ აიღებენ. 

ამ ეტაპზე გუნდთან ერთად არ არიან და ნაკრებს 20 მაისიდან შეუერთდებიან ლეგიონერები: გიორგი ახალაძე (მასი), გია ხარაიშვილი (რასინგი), ზაურ თევდორაშვილი (ანგულემი), ლუკა ჭელიძე (ტულონი), ლუკა აზარიაშვილი (მონპელიე), ვანო კარკაძე (ორიაკი). ყველა მათგანი პირველხაზელია. 
თედო აბჟანდაძე, საქართველოს ახალგაზრდული ნაკრების კაპიტანი: 

„ისევე, როგორც შარშან, სამხრეთ აფრიკაში წლეულსაც ძალიან კარგი შეკრება გვქონდა. შედეგად, შარშან ჩემპიონატზე კარგი თამაშები ვაჩვენეთ და იმედია, ამჯერადაც ასე იქნება. შევხვდით ორ ძალიან ძლიერ ახალგაზრდულ ნაკრებს და ასევე ნამიბიის კაცთა გუნდს. ბიჭებმა შეიძინეს გამოცდილება და იციან, წინ რა გველოდება. მეორე თამაშში გამოჩნდა, რომ შევთამაშდით, დავლაგდით. ვფიქრობ, მზადების ამ სამკვირიან ეტაპზე კიდევ უფრო განვვითარდებით. 

არგენტინაში ყველა თამაშში ბოლომდე ვიბრძოლებთ და არაფერს დავთმობთ. მენტალურად, ფიზიკურად თუ ტაქტიკურად მზად ვართ და იმედია ეს შედეგებზეც აისახება. ვეცდებით, შარშანდელი შედეგი გავაუმჯობესოთ. თუმცა, უმთავრესი მიზანი წლეულსაც უძლიერესთა შორის დარჩენაა. მეტოქეების შესახებ ბევრს ვერაფერს ვიტყვი, რადგან ახალგაზრდულ ნაკრებებში შემადგენლობა მუდმივად იცვლება და წინასწარ ვერაფერს განვსაზღვრავთ. უკვე ვიცით, რა დონის გუნდია სამხრეთ აფრიკის ნაკრები და შემიძლია დაგპირდეთ, რომ მათთან არაფერს დავთმობთ“. 

საქართველოს ნაკრები

პირველი ხაზი: გეგი მურუსიძე (არმაზი), ლუკა ნიორაძე (ჯიქი,) საბა კურატაშვილი (არმაზი)
მეორე ხაზი: გიორგი მენაბდე (ბათუმი), ვლადიმერ ჩაჩანიძე (ლელო), დავით გვიდიანი (არმაზი), ლუკა გელაშვილი (არმია), ვახტანგ ჯინჭარაძე (ჯიქი), ტატო გვიმრაძე (ხვამლი)
მესამე ხაზი: კობა კოლოტაური (ლელო), ბექა ყორიაული (ლელო), პაატა ბურჭულაძე (ხარები), მიხეილ ჩაჩავა (ჯიქი), საბა ჯღარკავა (ლელო), გიორგი ნოდია (ყოჩები), იოანე იაშაღაშვილი (არმაზი), იოსებ გუშარაშვილი (ყოჩები)
№9: მიხეილ ალანია (არმაზი), გიორგი მარგალიტაძე (ლელო), ლუკა მანტკავა (არმაზი), ფრიდონ წიკლაური (ხვამლი), იაგო ხაბულიანი (აია)
№10: თედო აბჟანდაძე (აია), რევაზ ხარაზიშვილი (იუნკერები), სანდრო მარგიანი (აკადემია), გივი ცინცაძე (არმაზი)
№12-13: ლაშა ლომიძე (აია), ირაკლი სიმსივე (აია), დემურ თაფლაძე (ლელო), ზაურ ლუტიძე (ხვამლი)
№11-14: ზურა ქავთარაძე (ხარები), ოთარ ლაშხი (ლელო), კოტე მარჯანიშვილი (არმაზი), თემურ კოხოძე (აია) 
№15: გიორგი მიქანაძე (აკადემია), თეიმურაზ ჭიჭინაძე (ჯიქი), დავით გობეჯიშვილი (აია), დაჩი პაპუნაშვილი (არმია)

4 ივნისი 
საქართველო-ახ. ზელანდია

8 ივნისი
საქართველო-სამ. აფრიკა

12 ივნისი
საქართველო-შოტლანდია 

ყოველდღიური სპორტული გაზეთი "ლელო"
1042
მკითხველის კომენტარები / 0 /
მსგავსი ამბები
რუბრიკის სხვა სიახლეები
;