U20. ისევ საგრაფოები - 'უმცროსი ბორჯღალოსნები', რუსთავში, ინგლისელებს შეხვდებიან

საქართველოს 20-წლამდელთა ნაკრების რეზერვი, რომელიც 1999-2000 წლებში დაბადებული მორაგბეებითაა დაკომპლექტებული, დღეს რუსთავში ინგლისის საგრაფოების 20-წლამდელთა ნაკრებს შეხვდება.

ბრიტანელები საქართველოში ერთ კვირაზე მეტია იმყოფებიან და "ავჭალის სარაგბო სტადიონზე" "უმცროს ბორჯღალოსნებს 24:17 მოუგეს
სარეზერვო გუნდი, რომელიც დღეს ითამაშებს მხოლოდ აღმოსავლეთ საქართველოს მორაგბეებითა დაკომპლექტებული.

მისი შექმნის მიზანია მომავალი 2019 წლის მსოფლიოს ჩემპიონატისთვის კანდიდატების შერჩევა. "ამ მატჩისთვის 25-კაციანი შემადგენლობა მხოლოდ აღმოსავლეთ საქართველოდან, 35 კანდიდატისგან შეირჩა.

მათ სექტემბრიდან მოუწევთ 20-წლამდელთა ნაკრებში ყოფნა და როგორც განვლილი ვარჯიშები, ასევე ეს თამაში, მწვრთნელებს არჩევანში დაეხმარება. ეს თამაში დაგვანახვებს ვის რა შეუძლია, რისი პოტენციალი აქვს და რა მიმართულებით გვაქვს სამუშაო. შესაძლოა, 20-წლამდელთა ნაკრებს გაისად საქართველოში ასეთ კარგ გუნდთან თამაშის შესაძლებლობა აღარც მიეცეს და ბიჭები უდიდეს გამოცდილებას შეიძენენ, რაც მომავალში აუცილებლად გამოადგებათ." - თქვა რაგბის კავშირის ოფიციალურ ვებგვერდთან საუბრისას გუნდის მწვრთნელმა თორნიკე ბუბუტეიშვილმა.

განვითარებადი U 20: 15. გიორგი მიქანაძე (არმაზი), 14. ზურაბ ქავთარაძე (ხარები), 13. გოჩა ჩანადირი (არმაზი), 12. გიორგი ასათიანი (ლელო), 11. ბექა აბულაშვილი (ლელო), 10. რეზი ხარაზიშვილი (იუნკერები), 9. გიორგი მარგალიტაძე (ლელო); 1. გიორგი ახალაძე (არესი), 2. სოსო ჭყოიძე (ლელო), 3. ლუკა ჭელიძე (ლელო), 4. საბა ჯღარკავა (ლელო), 5. იაგო გელაძე (ლელო), 6. ბექა ყორიაული (ლელო), 7. რატი ჟორჟოლიანი (ლელო), 8. იოანე იაშაღაშვილი (იუნკერები).

16. ლუკა კობერიძე (იუნკერები), 17. გიორგი დიასამიძე (ლელო), 18. გეგი მაისურაძე (არმაზი), 19. ლექსო მუჩიაშვილი (ვეფხვები), 20. ნიკა თეზელაშვილი (ყოჩები), 21. კობა კოლოტაური (ლელო), 22. საბა ხურცილავა (არმაზი), 23. სანდრო მარგიანი (აკადემია), 24. გიორგი ჭედია (ხულიგანა), 25. სანდრო მარგველაშვილი (ლელო)
ბესიკ ჯანგავაძე

ყოველდღიური სპორტული გაზეთი "ლელო"
861
მკითხველის კომენტარები / 0 /
მსგავსი ამბები
რუბრიკის სხვა სიახლეები
;