U20. ნაკრები მსოფლიოს ახალგაზრდული ჩემპიონატისთვის მზადებას განაგრძობს

საქართველოს 20-წლამდელთა ნაკრები მსოფლიოს ახალგაზრდული ჩემპიონატისთვის მზადებას განაგრძობს.

19 მაისს "უმცროსი ბორჯღალოსნები" ბოლო საწვრთნელ მატჩს გამართავენ. მეტოქე ინგლისის საგრაფოთა 20-წლამდელთა გუნდი იქნება.

ამასობაში კი ჩვენი გუნდის მეტოქემ, სამხრეთ აფრიკის ნაკრებმა, რომელთანაც პირველ მატჩს 30 მაისს გავმართავთ, საჩემპიონატო შემადგენლობა დაასახელა და ევროპაში ტურნეს აწყობს.

"უმცროსი ბოკე" გასულ უქმეებზე, ედინბურგში შოტლანდიის 20-წლამდელთა ნაკრებს დაუპირისპირდა და 41:3 დაამარცხა.

ამ შედეგიდან და ჩვენს ნაკრებთან გამართული ორი შეხვედრიდანაც ნათლად ჩანს, რომ სამხრეთ აფრიკას წლევანდელ მსოფლიოს ჩემპიონატზე, რომელიც საფრანგეთში გაიმართება, სერიოზული გუნდი ეყოლება და ტურნირის ერთ-ერთი ფავორიტები იქნება.

სამხრეთ აფრიკა

ბენ ჯეისონ დიქსონი, ლუბაბალო დობელა, მიუელ დუ პლესი, სხალკ ერასმუსი, ტაირონ გრინი, ჯეკ ჰარტი, ლაილ ჰენდრიქსი, დანიელ ჯუსტი, კოენ კივიტი, რუენ კრუხერი, ჯანი ლომბარდი, ნათან მაკბიტი, სალმან მორატი, სიჰლი ნჯეზულა, რუან ნორტიე, ასენატი ნტლაბაკანი, რიკუს პრეტორიუსი, მანუელ რასი, საზი სანდი, დიან ჩონესი, ვანდისილი სიმელანე, პი ჯეი სტენკამპი, ალულოტო ცაკვენი, მიულერ იუსი, ტიან ფან დერ მერვე, რუან ვერმაკი, დამიენ ვილემსე.

30 მაისი
საქართველო-სამ. აფრიკა 20:30

3 ივნისი
საქართველო-საფრანგეთი 16:00

7 ივნისი
საქართველო-ირლანდია 20:30

ყოველდღიური სპორტული გაზეთი "ლელო"
508
მკითხველის კომენტარები / 0 /
მსგავსი ამბები
რუბრიკის სხვა სიახლეები