U20. 'უმცროსი ბორჯღალოსნები' სამხრეთ აფრიკელ თანატოლებს კიდევ ერთხელ დაუპირისპირდებიან

საქართველოს ახალგაზრდული ნაკრები სამხრეთ აფრიკაში მსოფლიოს ჩემპიონატისთვის მზადებას განაგრძობს.

"უმცროსი ბორჯღალოსნები" დღეს სამხრეთ აფრიკის 20-წლამდელთა ნაკრებს კიდევ ერთხელ დაუპირისპირდებიან.

პირველი მატჩი მასპინძლების უპირატესობით წარიმართა და საქართველოს 20-წლამდელთა ნაკრებმა შეხვედრა 14:55 დათმო. მეორე მატჩისთვის ნაკრების მწვრთნელებმა გუნდში რვა ცვლილება განახორციელეს.

უკანა ხაზში, ფრთაზე ოთარ ძაგნიძის ნაცვლად თამაშს დემურ თაფლაძე იწყებს, რომელიც პირველ მატჩში განაცხადშიც არ იყო. ძაგნიძე თადარიგში გადაინაცვლებს. ცხრა ნომრის, თენგიზ პერანიძის ნაცვლად ლუკა დვალიშვილი ითამაშებს. მეორე ცხრა ნომერი მიხეილ ალანია კი, შეხვედრაში სათადარიგოთა სკამიდან ჩაერთვება. მას ერთი კვირის წინათ არ უთამაშია.

სრულად შეიცვალა შერკინების პირველი ხაზი. ძირითად შემადგენლობაში მწვრთნელებმა გურამ გოგიჩაშვილი, ლევან პაპიძე და ლუკა ჯაფარიძე დააყენეს. ისინი პირველ მატჩში შეცვლაზე შევიდნენ. სათადარიგოთა შორის გადაინაცვლეს თენგიზ ზამთარაძემ და გიორგი ნუცუბიძემ, ხოლო "მონპელიეს" შერკინების ბურჯი ლუკა აზარიაშვილი საქართველოს 20-წლამდელთა ნაკრების კვართს პირველად მოირგებს.

მეორე ხაზში ბექა საღინაძეს ლაშა ჯაიანი შეუწყვილდება, რომელმაც პირველი შეხვედრა გამოტოვა. ერთი კვირის წინათ განაცხადში არ იყო და ახლა ძირითად შემადგენლობაშია თორნიკე ჯალაღონია. მესამე ხაზში თადარიგიდან დაწინაურდა სანდრო მამამთავრიშვილი. მან თენგიზ გიგოლაშვილი შეცვალა.

თამაში დღეს, თბილისის დროით 18 საათზე დაიწყება.

საქართველო: 15. ბექა მამუკაშვილი, 14. დემურ თაფლაძე, 13. სანდრო სვანიძე, 12. გიორგი წიკლაური, 11. ზურაბ ქავთარაძე, 10. თედო აბჟანდაძე, 9. ლუკა დვალიშვილი; 1. გურამ გოგიჩაშვილი, 2. ლევან პაპიძე, 3. ლუკა ჯაფარიძე, 4. ბექა საღინაძე, 5. ლაშა ჯაიანი, 6. სანდრო მამამთავრიშვილი, 7. თორნიკე ჯალაღონია, 8. არსენ მაჩალაძე.

სათ: 16. თენგიზ ზამთარაძე, 17. გიორგი ნუცუბიძე, 18. ლუკა აზარიაშვილი, 19. არჩილ აბესაძე, 20. თენგიზ გიგოლაშვილი, 21. მიხეილ ალანია, 22. ლაშა ლომიძე, 23. ოთარ ძაგნიძე.

ყოველდღიური სპორტული გაზეთი "ლელო"
1254
მკითხველის კომენტარები / 0 /
მსგავსი ამბები
რუბრიკის სხვა სიახლეები
;