[U21] ახალგაზრდული ნაკრები გერმანიაშია. ცეცაძემ ხარაბაძე ნებიერიძით შეცვალა

11 ნოემბერს შეკრებილი საქართველოს ახალგაზრდული ნაკრები მოახლოებული ევროშესარჩევი მატჩებისთვის უკვე გერმანიაში ემზადება. გია ცეცაძის გუნდი შტუტგარტთან ახლოს ქალაქ ასპახშია დაბანაკებული, სადაც პირველი ვარჯიში უკვე ჩაატარა და კიდევ ორი დღის განმავლობაში მოემზადება, მერე კი საფრანგეთში გადავა, სადაც 15 ნოემბერს საკვალიფიკაციო მატჩს გამართავს, 18 ნოემბერს კი, ასევე სტუმრად, სლოვაკეთს დაუპირისპირდება.

სამწუხაროდ, ნაკრებს კიდევ ერთი მოთამაშე დააკლდა - გიორგი არაბიძის, ვატო არველაძისა და ლუკა ლაკვეხელიანის შემდეგ, 21-წლამდელებს ტრავმის გამო ვერც ლევან ხარაბაძე დაეხმარება. ხარაბაძის ნაცვლად, ცეცაძემ ნაკრებში ტორპედოელი ვახტან ნებიერიძე გამოიძახა.

გერმანიაში გუნდს ლეგიონერებიც დროულად შეუერთდნენ. შეკრებაზე მყოფი ყველა ფეხბურთელი მწყობრშია და სრული დატვირთვით ემზადება. შემადგენლობასაც შეგახსენებთ:

მეკარეები - ლუკა გუგეშაშვილი (გრანადა, ესპანეთი), დემეტრე ბულისკერია (ლოკომოტივი თბ), გიორგი მამარდაშვილი (რუსთავი);

მცველები - ილია ბერიაშვილი (თელავი), ალექსანდრე ანდრონიკაშვილი (ლოკომოტივი თბ), ლუკა ლოჩოშვილი (ჟილინა, სლოვაკეთი), ვაჟა ფაცაცია (დინამო ბთ), დავით კობოური (დინამო თბ), ლაშა უგრეხელიძე (სიონი), ნიკა მალი (საბურთალო), ვახტანგ ნებიერიძე (ტორპედო);

ნახევარმცველები - იური ტაბატაძე (საბურთალო), ლუკა სილაგაძე (რუსთავი), ნიკა ნინუა (დინამო თბ), გიორგი ქოჩორაშვილი (ლევანტე, ესპანეთი), გიორგი კუცია (დილა), დავით სამურკასოვი (ლოკომოტივი), რატი არდაზიშვილი (ჩიხურა);

თავდამსხმელები - ბექა ქავთარაძე (რუსთავი), ნუგზარ სპანდერაშვილი (დილა), ირაკლი ბუღრიძე (ბეერსხოტი, ბელგია), ხვიჩა კვარაცხელია (რუბინი, რუსეთი), გიორგი კოხრეიძე (საბურთალო).

760
მკითხველის კომენტარები / 0 /
მსგავსი ამბები
რუბრიკის სხვა სიახლეები
;