U21. გია ცეცაძემ ნაკრებში ათი ლეგიონერი გამოიძახა

გია ცეცაძემ საქართველოს ახალგაზრდული ნაკრების შემადგენლობა დაასახელა. 21-წლამდელებს მალე ორი თამაში აქვთ ჩასატარებელი - 7 სექტემბერს ევროშესარჩევში ლიეტუვას ეწვევიან, ხოლო 11-ში, ასევე სტუმრად, მალტას ამხანაგურად დაუპირისპირდება.

ფეხბურთის ფედერაციის ცნობით, ნაკრების მთავარმა მწვრთნელმა ამ ორი მატჩისთვის 23 ფეხბურთელი გამოიძახა. ეროვნული ლიგის 23-ე ტურის შემდეგ ახალგაზრდული ნაკრები თბილისში დაიწყებს მზადებას, ხოლო 3 სექტემბერს ლიეტუვაში გაემგზავრება.

მეკარეები - ლუკა გუგეშაშვილი (დილა), გიორგი ჩოჩიშვილი (სიონი), ოთო გოშაძე (დინამო ბთ);

მცველები - დავით კობოური, ლუკა ლოჩოშვილი (ორივე - დინამო თბ), რომან ჩაჩუა (სამტრედია), ლუკა ნოზაძე, გურამ გიორბელიძე (ორივე - სიონი), ანდრო გიორგაძე (ვორსკლა, უკრაინა), გაგი მარგველაშვილი (საბურთალო), გიორგი თევზაძე (ჟილინა, სლოვაკეთი), გიორგი ქანთარია (ნემანი, ბელარუსი);

ნახევარმცველები - აკაკი შულაია, ნიკა ნინუა (ორივე - დინამო თბ), გიორგი ქოჩორაშვილი (ჟირონა, ესპანეთი), გიორგი ხარაიშვილი (გიოტებორგი, შვედეთი), ლევან მაჭარაშვილი (შტუმბრასი, ლიეტუვა), ლუკა ზარანდია (არკა, პოლონეთი);

თავდამსხმელები - გიორგი კოხრეიძე (საბურთალო), ბექა მიქელთაძე (ანორთოსისი, კვიპროსი), ვატო არველაძე (კორონა, პოლონეთი), ირაკლი ბუღრიძე (ჩიხურა), გიორგი ბერიძე (უიპეშტი, უნგრეთი).

საინტერესოა, რომ 23 მოთამაშიდან 10 ლეგიონერია. მათ შორისაა გიორგი ქოჩორაშვილი, რომელიც ერთადერთი ქართველია, ლა ლიგის კლუბის ("ჟირონა") განაცხადში რომ მოხვდა.

ყოველდღიური სპორტული გაზეთი "ლელო"
870
მკითხველის კომენტარები / 0 /
მსგავსი ამბები
რუბრიკის სხვა სიახლეები
;