U21. პოლონეთი-საქართველო. უშანსოდ არ ვიყავით, მაგრამ...

პოლონეთი-საქართველო 3:0
16.10. გდინია. გდინია არენა
1:0 მიქელთაძე (52-საკ. კარში), 2:0 მიხალიკი (74), 3:0 კოვნაცკი (90)
პოლონეთი (4-3-3): გაბარა - სტოლიარსკი, ვიტესკა, ბოჰინევიჩი, პესტკა - ძიჩეკი, ზურკოვსკი (89. ამბროსევიჩი), კაპუსტკა (68. მიხალიკი) - შიმანსკი, კოვნაცკი, იუზვიაკი (46. იაგიელო).
მწვრთნელი: შჩესლავ მიხნევიჩი
საქართველო (4-3-1-2): გუგეშაშვილი - ქანთარია, გიორგაძე, ლოჩოშვილი, გიორბელიძე (79. ელოშვილი) - ჩაჩუა (54. შულაია), სამურკასოვი, კუცია - მიქელთაძე - არველაძე, ბუღრიძე (41. ნინუა).
მწვრთნელი: გია ცეცაძე
გაფრთხილება: კუცია (22), მიქელთაძე (26), სამურკასოვი (27)
გაძევება: კუცია (30)
არბიტრი: ა. ჰანტერი (ჩრ. ირლანდია)

საქართველოს ახალგაზრდულმა ნაკრებმა ევროპის ჩემპიონატის შესარჩევი ციკლი პოლონეთში სტუმრობით დაასრულა. შეწყდა ჩვენი გუნდის წაუგებელი სერია. პოლონეთს ჰქონდა სატურნირო მოტივაცია და მოიგო კიდეც. ეგაა, ქართველები უშანსოდ არ ყოფილან, თუმცა თამაში საჩვენოდ არ წავიდა.
გია ცეცაძემ რამდენიმე ცვლილება გააკეთა ფინეთში მოგებული მატჩის შემდეგ. პირველ ტაიმში საქართველოს ნაკრები მეტოქეს არაფრით ჩამორჩებოდა. არავინ იცის, როგორ დასრულდებოდა ყველაფერი, არბიტრს გიორგი კუცია რომ არ გაეძევებინა.
დაიწყო მეორე ტაიმი და პოლონეთის ნაკრებმა ფავორიტის სტატუსი გაამართლა. გაშვებული გოლებისას საცნაური გახლდათ ჩვენი მცველების შეცდომები. ვეღარ გვიხსნა ლუკა გუგეშაშვილმა, ვინც ფინეთთან მოგებაში ლომის წილი დაიდო.
არადა, არც კუციას გაძევებამდე და არც ამის შემდეგ უშანსოდ არ ვყოფილვართ. საგოლე მომენტები ჰქონდათ ვატო არველაძეს, ბექა მიქელთაძეს, აკაკი შულაიას... ჯერ კიდევ თანაბარი იყო ანგარიში, როცა მიქელთაძემ ხარიხას შეაწყვიტა ბურთი...
საბოლოოდ, მოხდა ის, რაც მოხდა. ჩვენს ჯგუფში პირველ ადგილზე გავიდა დანია, პოლონელებს საუკეთესო მეორეადგილოსნებთან მოუწევთ ურთიერთობის გარკვევა, ჩვენ კი მესამე ადგილით უნდა დავკმაყოფილდეთ.

გუშინ
დანია-ფარერები 3:0
ფინეთი-ლიტვა 0:2

1. დანია 10 7 2 1 30:08 23
2. პოლონეთი 10 6 4 0 22:9 22
3. საქართველო 10 3 3 4 11:19 12
4. ფინეთი 10 2 3 5 13:21 9
5. ლიტვა 10 2 2 6 7:16 8
6. ფარერები 10 1 4 5 10:20 7



ყოველდღიური სპორტული გაზეთი "ლელო"
1246
მკითხველის კომენტარები / 0 /
მსგავსი ამბები
რუბრიკის სხვა სიახლეები
;