U21. საკვალიფიკაციო ეტაპი: დღეს ფინეთი VS საქართველო

სეინაიოკის "ომასპ სტადიონზე" საქართველოს ახალგაზრდული ნაკრები დღეს ფინეთს დაუპირისპირდება. ევროშესარჩევის ეს შეხვედრა თბილისის დროით 19:30 საათზე დაიწყება.

ჩვენმა ახალგაზრდულმა გუნდმა გუშინ მატჩისწინა რეპეტიცია გაიარა. სამწუხაროდ, ტრავმირებული გიორგი ხარაიშვილი და გიორგი ქოჩორაშვილი ნაკრებს ვერ დაეხმარებიან. ახალგაზრდული ნაკრების პრობლემები ამით არ ამოწურულა - ფინეთთან ვერც თბილისის "დინამოს" ნახევარმცველი ნიკა ნინუა ითამაშებს. სამივე მათგანი ცენტრალური ნახევარმცველია, რაც გუნდს პრობლემებს შეუქმნის.

თუმცა ნინუას მდგომარეობა მძიმე არაა - ფეხბურთის ფედერაციის ცნობით, ახალგაზრდა დინამოელის მდგომარეობა გაუმჯობესდა და დიდი შანსია, 16 ოქტომბერს პოლონეთთან მატჩში მოედანზე გასვლა შეძლოს.

ფინელების მსგავსად, ევროშესარჩევ ჯგუფში გია ცეცაძის გუნდმა 9 ქულა დააგროვა და ამ შეხვედრის სატურნირო თვალსაზრისით მხოლოდ ეს მნიშვნელობა გააჩნია - წინ რომელი ნაკრები მოხვდება. ჯგუფიდან გასვლის შანსი კი ორივე ნაკრებმა დაკარგა.

საქართველოს 21-წლამდე ნაკრების შემადგენლობა:
მეკარეები - ლუკა გუგეშაშვილი (დილა), ოთო გოშაძე (დინამო ბთ), ლუკა სანიკიძე (თელავი);
მცველები - გიორგი ქანთარია (ნემანი, ბელარუსი), ლუკა გადრანი (რუსთავი), გაგი მარგველაშვილი (საბურთალო), ანდრო გიორგაძე (ვორსკლა, უკრაინა), ლუკა ლოჩოშვილი (დინამო თბ), დავით კობოური (დინამო თბ), რომან ჩაჩუა (სამტრედია), გურამ გიორბელიძე (სიონი);
ნახევარმცველები - აკაკი შულაია (დინამო თბ), ვლადიმერ მამუჩაშვილი (დინამო ბთ), ლევან მაჭარაშვილი (შტუმბრასი, ლიტვა), დავით სამურკასოვი (ლოკომოტივი თბ), ლევან ელოშვილი (კაპფენბერგი, ავსტრია), გიორგი კუცია (დინამო თბ);
თავდამსხმელები - ბექა მიქელთაძე (ანორთოსისი, კვიპროსი), ირაკლი ბუღრიძე (ჩიხურა), ბექა ქავთარაძე (რუსთავი), გიორგი კოხრეიძე (საბურთალო), ვატო არველაძე (კორონა, პოლონეთი).

ყოველდღიური სპორტული გაზეთი "ლელო"
279
მკითხველის კომენტარები / 0 /
მსგავსი ამბები
რუბრიკის სხვა სიახლეები