U21. საქართველოს ნაკრები: სერიოზული დანაკლისი საკვალიფიკაციო მატჩების წინ

საქართველოს ახალგაზრდული ნაკრები ევროპის ჩემპიონატის შესარჩევი მატჩებისთვის ემზადება. 10 და 14 ნოემბერს გია გეგუჩაძის გუნდი ფინეთსა და ლიტვას უმასპინძლებს. ორივე თამაში თბილისში, მიხეილ მესხის სახელობის სტადიონზე გაიმართება.

ტრავმების გამო ნაკრებში სერიოზული დანაკლისია. გუნდს ვერ დაეხმარებიან რომან ჩაჩუა, გიორგი ხარაიშვილი და გიორგი ზარია, უფრო ადრე დაშავდა გიორგი ჩაკვეტაძეც.

გეგუჩაძის განკარგულებაში 23 ფეხბურთელი რჩება:

მეკარეები: ლაზარე კუპატაძე (საბურთალო), ოთო გოშაძე (საბურთალო), ლევან შოვნაძე (დინამო ბთ);

მცველები: - გრიგოლ ჩაბრაძე (საბურთალო), გაგი მარგველაშვილი (საბურთალო), ლუკა ლოჩოშვილი (დინამო კიევი, უკრაინა), ცოტნე ნადარაია (საბურთალო), აკაკი შულაია (დინამო თბ), ჯემალ ტაბიძე (უფა, რუსეთი), დავით კობოური (დინამო თბ);

ნახევარმცველები: ვლადიმერ მამუჩაშვილი (საბურთალო), ნიკოლოზ ბაშალეიშვილი (თელავი), ლადო მოხევიშვილი (ალკოიანო, ესპანეთი), ოთარ კიტეიშვილი (დინამო თბ), ბექა მიქელთაძე (დინამო თბ), ლევან მაჭარაშვილი (შტუმბრასი, ლიტვა);

თავდამსხმელები: რომან ჭანტურია (პრატო, იტალია), ლუკა ზარანდია (არკა, პოლონეთი), გიორგი ბერიძე (ტრენჩინი, სლოვაკეთი), გიორგი კოხრეიძე (საბურთალო), ვატო არველაძე (ლოკომოტივი).

მეტოქეები იტალიიდან, ჰოლანდიიდან, ინგლისიდან...

მოგეხსენებათ, 3 ტურის შემდეგ საქართველოს ახალგაზრდული ნაკრები ჯგუფში უქულოდაა. თუმცა გუნდმა ფარხმალი არ უნდა დაყაროს. ვფიქრობთ, საინტერესო იქნება, გავეცნოთ ორ უახლოეს მეტოქეს. ხელწამოსაკრავი არც ერთი მათგანი არ უნდა იყოს, მით უმეტეს, მათ ღირსებას იტალიაში, ინგლისში, ჰოლანდიასა და სერბეთში მოასპარეზე ლეგიონერები იცავენ...

დავიწყოთ ფინეთით, რომელსაც 10 ნოემბერს ვეთამაშებით. სკანდინავიელებს საბრძოლო შემადგენლობა ჰყავთ. ეს არის ძალზე ბრძოლისუნარიანი გუნდი, რასაც მის მიერ ჩატარებული შეხვედრები ადასტურებს. ფინელებს ლეგიონერები კი ჰყავთ, მაგრამ გუნდის ძირითად ბირთვს ადგილობრივ ჩემპიონატში მოასპარეზე ფეხბურთელები წარმოადგენენ. მათ არ აკლიათ სათამაშო პრაქტიკა და ეს სათვალავშია მისაღები.

მეკარეები: უგო კეტო (არსენალი), მარკ ნორდკვისტი (მარიეჰამნი);

მცველები: ნიკოლას ჰამალაინენი (ქუინზ პარკი), ლასი იარვენპა (როვანიემი), რიჩარდ იენსენი (ტვენტე), იუჰო პირტიოკი (სუნდსვალი), ლეო ვაისანენი (როვანიემი);

ნახევარმცველები: ლაური ალა-მილიამაკი (ილვესი), სებასტიან დალსტრიომი (ჰიკ), ირო იარვანენი (ილვესი), კაან კაირანენი (მიდტიულანდი), ობედ მალოლო (სიკ), მარი ნიკსანენი (კუოპიო), ურო ნიისილა (კუოპიო), ანსელმი ნურმელა (როვანიემი);

თავდამსხმელები: ელიას ადე (კპვ), სანტერი ჰოსტიკა (ლაჰტი), ბენიამინ კალმანი (ინტერ ტურკუ), ლასი ლაპალაინენი (როვანიემი), საკუ სავოლაინენი (კუოპიო).

* * *

ლიტვის ნაკრების მთავარმა მწვრთნელმა კარიტას ფალშასმა დაასახელა ის ფეხბურთელები, რომლებიც საქართველოს 21-წლამდელთა წინააღმდეგ ითამაშებენ.

ლიტვის ნაკრების 9 ფეხბურთელი უცხოურ კლუბებს წარმოადგენს. მეტოქეს დააკლდება მეკარე ედვინას გარტმონასი, რომელსაც 19-წლამდელთა ნაკრების გოლკიპერი ტიტას კრაპიკასი შეცვლის. გუნდს უბრუნდებიან მცველი ალდას კორსაკასი და თავდამსხმელი მანფრედას რუზგისი. ნაკრებში პირველადაა მიწვეული მცველი ალეკსანდრას ლესვინასი.

ჩვენთან მატჩამდე ლიტვა 10 ნოემბერს ამხანაგურ შეხვედრას გამართავს ბელარუსთან, რასაც 14 ნოემბერს საქართველოსთან შეხვედრა მოჰყვება. ბალტიისპირელთა შემადგენლობა ასეთია:

მეკარეები: ტიტას კრაპიკასი (სამპდორია), მარიუს ადამონისი (სალერნიტანა), არლიუს ბრაზინსკასი (შეფილდ უენსდეი);

მცველები: რიმვიდას სადაუსკასი (შტუმბრასი), რიჩარდას სვეიკაუსკასი (პალანგა), ალეკსანდრ ლესვინასი (უტენისი), დომინიკას ბარაუსკასი (შტუმბრასი), ალდას კორსაკასი (შტუმბრასი), დომანტას ანტანავიჩუსი (სუდუვა), სლიტას ოლბერკისი (მოგილიოვი);

ნახევარმცველები: დანიელ რომანოვსკი (ჟალგირისი), იუსტას ლასიკასი (ზემუნი), კლადას იანონისი (შტუმბრასი), ედვინას კლონიუნასი (კაუნო), დომანტას სიმკუსი (ატლანტასი), გლედურის მატულევიჩუსი (სუდუვა), ლინას მეგელატისი (ლეჩე), სკიმანტას რაკაუსკასი (ატლანტასი), კაროლის სილკაიტისი (იონავა), ელიგიუს იანკაუსკასი (ჟილინა), სვაიუნას ჩიჟასი (ტრაკაი);

თავდამსხმელები: ედვინას ბაიუნისი (კაუნო), მანფრედას რუზგისი (კიოლნი), ერნესტას მიცკევიჩუსი (კაუნო), ედგარას დუბიცკასი (ლეჩე).

ყოველდღიური სპორტული გაზეთი "ლელო"
948
მკითხველის კომენტარები / 0 /
მსგავსი ამბები
რუბრიკის სხვა სიახლეები