U21. საქართველო აქაც მეოთხე კალათაშია

11 დეკემბერს კიდევ ერთ წილისყრას ველოდებით. ევროპის 2021 წლის ახალგაზრდული ჩემპიონატისთვის უეფა გუნდებს საკვალიფიკაციო ჯგუფებში გადაანაწილებს. უნგრეთსა და სლოვენიაში გასამართი ტურნირი 12-გუნდიანი იქნება. ორივე მასპინძელი ნაკრები ფინალურ ტურნირში შესარჩევის გარეშე ითამაშებს.

53 ნაკრები შეადგენს 9 ჯგუფში გადანაწილდება. თითოეული ჯგუფიდან ფინალურ ეტაპზე პირდაპირ მოხვდება პირველ ადგილზე გასული გუნდი, რასაც დაემატება კიდევ ერთი ნაკრები, რომელიც პლეი ოფის საშუალებით გაირკვევა - ერთმანეთს შეხვდება ორი საუკეთესო მეორეადგილოსანი და გამარჯვებული მიიღებს ფინალურ ეტაპის საგზურს.

შესარჩევი ციკლი 18 მარტს დაიწყება და 2020 წლის ოქტომბერში დასრულდება. საქართველოს ნაკრებს, რომელსაც გია ცეცაძე თავკაცობს, ისეთი თაობა გვყავს, უიმედოდ ნამდვილად არ უნდა ვიყოთ. თუმცა ეს უშუალოდ მოედანზე უნდა დამტკიცდეს. ასე, ქაღალდზე ბევრჯერ გვყოლია კარგი გუნდი, პოტენციურად დღევანდელზე გაცილებით უკეთესიც, მაგრამ...

საქართველოს ახალგაზრდული ნაკრები მეოთხე კალათაშია განთესილი ბულგარეთთან, ირლანდიასთან, ფინეთთან, კოსოვოსთან, შოტლანდიასთან, მაკედონიასთან, ბელარუსსა და ბოსნიასთან ერთად. სხვა კალათები ასე დაკომპლექტდა:

I კალათა: გერმანია, ინგლისი, ესპანეთი, პორტუგალია, დანია, საფრანგეთი, იტალია, სერბეთი, ხორვატია

II კალათა: ავსტრია, შვედეთი, ბელგია, სლოვაკეთი, პოლონეთი, რუმინეთი, ჩეხეთი, ჰოლანდია, ისრაელი

III კალათა: საბერძნეთი, უკრაინა, ნორვეგია, რუსეთი, თურქეთი, ისლანდია, უელსი, შვეიცარია, ჩერნოგორია

V კალათა: ჩრდ. ირლანდია, ალბანეთი, მოლდოვა, ლიტვა, ყაზახეთი, ლატვია, აზერბაიჯანი, სომხეთი, კვიპროსი

VI კალათა: ლუქსემბურგი, მალტა, ესტონეთი, ფარერები, გიბრალტარი, ანდორა, სან მარინო, ლიხტენშტაინი

ყოველდღიური სპორტული გაზეთი "ლელო"
1438
მკითხველის კომენტარები / 0 /
მსგავსი ამბები
რუბრიკის სხვა სიახლეები
;