U21. ფარერებთან რევანში გვწყურია!

U21. საკვალიფიკაციო მატჩი.
საქართველო-ფარერები.
გორი. თენგიზ ბურჯანაძე. 19:00

საქართველოს ახალგაზრდული ნაკრები 23 მარტს გორში, "თენგიზ ბურჯანაძეზე" ევროპის ჩემპიონატის შესარჩევი ციკლის შეხვედრაში ფარერებს დაუპირისპირდება.

ეს იქნება გია ცეცაძის ოფიციალური სადებიუტო მატჩი ქვეყნის რანგით მეორე ნაკრების მთავარი მწვრთნელის პოსტზე.

ამ დროისთვის საქართველოს 21-წლამდელებს შესარჩევ ჯგუფში მე-4 ადგილი უჭირავთ და ევროპირველობაზე მოხვედრის მხოლოდ თეორიულ შანსს ინარჩუნებენ. დღევანდელი მეტოქეც კი გვისწრებს...

მაგრამ სატურნირო ამბები გვერდით გადავდოთ და ვთქვათ ის, რომ ამ მატჩს განსაკუთრებული დატვირთვა აქვს. ქართველ გულშემატკივარს თითქოს ვეღარაფრით გააკვირვებ, თუმცა ჩვენი მეხსიერებიდან, ალბათ, კარგა ხნის განმავლობაში არ ამოვა 2017 წლის 10 ოქტომბერი, როცა მიმდინარე შესარჩევში ფარერებთან გასვლაზე 1:3 წავაგეთ და ის ერთადერთი გოლიც ჩრდილოელებმა საკუთარ კარში გაიტანეს.

ფარერებზეც ისწავლეს ფეხბურთის თამაში, მაგრამ მაინც - ეს არის შედეგი, რომელსაც ვერ ვივიწყებთ და რომლის გამოც უთუოდ რევანში გვმართებს გორში გასამართ დღევანდელ მატჩში.

თამაშის წინ კომენტარი გააკეთა საქართველოს ახალგაზრდული ნაკრების მთავარმა მწვრთნელმა: "ვემზადებით თამაშებისთვის და ყველა ფეხბურთელი მაქსიმალურად ცდილობს, წარმოაჩინოს თავისი შესაძლებლობები. ფარერების ნაკრები გრანდი არ არის, მაგრამ დღევანდელ ფეხბურთში ყველასთან რთულია მოგება.

რაც შეეხება დანიას, ის ჯგუფის ცალსახა ფავორიტია. მათ წინა შეხვედრებში აჩვენეს, რომ მხოლოდ პირველ ადგილზე აქვთ პრეტენზია. თუმცა ჩვენ შინ ვთამაშობთ და მიზანი ორივე მატჩში გამარჯვებაა", - თქვა ცეცაძემ.

საქართველოს ახალგაზრდული ნაკრები ასეთი შემადგენლობით ემზადება:

მეკარეები - ლაზარე კუპატაძე (საბურთალო), დემეტრე ბულისკერია (დინამო თბ), გიორგი ჩოჩიშვილი (ზლატე მორავცე, სლოვაკეთი);

მცველები - გაგი მარგველაშვილი (საბურთალო), დავით კობოური (დინამო თბ), ანდრო გიორგაძე (ვორსკლა, უკრაინა), ანრი ჭიჭინაძე (ტორპედო), გიორგი ქანთარია (ნემანი, ბელარუსი), ცოტნე ნადარაია (საბურთალო), გურამ გიორბელიძე (სიონი), თამაზ ცეცხლაძე (სებაილი, აზერბაიჯანი), ლუკა ნადირაძე (ოლიმპიკი, უკრაინა);

ნახევარმცველები - ვლადიმერ მამუჩაშვილი (საბურთალო), აკაკი შულაია (დინამო თბ), ოთარ კიტეიშვილი (დინამო თბ), გიორგი ხარაიშვილი (გიოტებორგი, შვედეთი), ლევან მაჭარაშვილი (შტუმბრასი, ლიტვა), ლუკა ზარანდია (არკა, პოლონეთი), გიორგი ბერიძე (ტრენჩინი, სლოვაკეთი), გიორგი არაბიძე (შახტარი, უკრაინა);

თავდამსხმელები - გიორგი კოხრეიძე (საბურთალო), ვატო არველაძე (ლოკომოტივი), ბექა მიქელთაძე (რუსთავი).

III ჯგუფი

პარასკევი, 23 მარტი
ლიტვა-ფინეთი

სამშაბათი, 27 მარტი
საქართველო-დანია
პოლონეთი-ლიტვა

თ მ ფ წ ბ ქ
1. დანია 5 4 0 1 20-5 12
2. პოლონეთი 5 3 2 0 13-6 11
3. ფარერები 5 1 2 2 6-10 5
4. საქართველო 5 1 1 3 6-13 4
5. ფინეთი 4 0 3 1 6-11 3
6. ლიტვა 4 1 0 3 3-9 3

ყოველდღიური სპორტული გაზეთი "ლელო"
1238
მკითხველის კომენტარები / 2 /
Kaxi
0
ტელევიზორში თუ არის ???
ლევანი
0
ნახევარდაცვა ძალიან კარგია. ალბათ ხარაიშვილი, ბერიძე, არაბიძე და ზარანდია იდეალური ვარიანტია, წინ ერთი თავდამსხმელი სავსებით საკმარისია ასეთი შემტევი ნახევარდაცვის ფონზე. დაცვას რაც შეეხება, ცენტრში საყრდენის პონტში, ვის დააყენებს არ ვიცი და გიორგაძე ნადირაზე ალბათ ძირითადში ეყოლება. საინტერესო თამაშია და განსაკუთრებით მაინტერესებს ზემოთ ჩემს მიერ ჩამოთვლილი ფეხბურთელების თამაში, რადგან ჩემი აზრით ისინი მთავარ გყნდში თამაშსაც იმსახურებენ და უსამართლოდ არ იწვევენ. ეხლა კი ვნახავ რანი არიან რეალურად. წარმატებები. ალბათ 1 არხი აჩვენებს პირდაპირს
მსგავსი ამბები
რუბრიკის სხვა სიახლეები
;