U21. შვეიცარია-საქართველო... რა ჩაახვია არაბიძემ! [VIDEO]

შვეიცარია U21
2
საქართველო U21
1
გოლები: 1:0 ვარგასი (57. პუშიჩის პასით), 1:1 არაბიძე (61), 2:1 ლოტომბა (83. ტომას პასით)
12.10.2019. ვინტერთური, "შუტზენვიზე".
შვეიცარია U21 (4-4-2): ანტონი რაჩოპი - კევინ ზიუეგი (83. დეი ნდოი), სედრიკ ზესიგერი, ვან დერ ვერფი, სილვენ სიდლე - რუბენ ვარგასი, ტონი დომჟონი, ბასტიენ ტომა, ნოა ოკაფორი (59. ჯორდან ლოტომბა) - ჟერემი გეიმენო (73. ფილიპ სტოჟილკოვიჩი), პეტარ პუშიჩი (73. ნედიმ ბაირამი)
სათადარიგოები: ფილიპ კენი, ლეო სეიდუ, ჟან ბამერი, ივ კაიზერი, ფილიპ უგრინიჩი,
მთავარი მწვრთნელი: მაურო ლუსტრინელი
საქართველო U21 (3-4-3): გიორგი ჩოჩიშვილი - ილი ბერიაშვილი, დავით კობოური, ლუკა ლოჩოშვილი - ნიკა მალი, გიორგი კუცია, გიორგი ნინუა (86. გიორგი კოხრეიძე), ლუკა სილაგაძე (87. ვახტანგ ნებიერიძე) - გიორგი არაბიძე, ვატო არველაძე (86. ირაკლი ბუღრიძე), ბექა ქავთარაძე (75. ნუგზარ სპანდერაშვილი)
სათადარიგოები: გიორგი მამარდაშვილი, სანდრო ანდრონიკაშვილი, ლაშა უგრეხელიძე, პაატა კიტეიშვილი, იური ტაბატაძე, პაატა კიტეიშვილი
მთავარი მწვრთნელი: გია ცეცაძე
მთავარი არბიტრი: ფარუჯა კან ტრასტინი (მალტა)
გაფრთხილებები: ბერიაშვილი (34), კობოური (50), არაბიძე (85)

მატჩის მნიშვნელობა
საქართველოს ახალგაზრდული ნაკრები ევრო 2021-ის შესარჩევი ციკლის მესამე ტურის შეხვედრას დიდი მნიშვნელობა ჰქონდა. გია ცეცაძის გუნდი ვინტერთურის "შუტზენვიზეს" სტადიონზე მასპინძელ შვეიცარიას ჯგუფის ლიდერის სტატუსით ესტუმრა.
საქართველოს 21-წლამდელთა ნაკრებმა ევროშესარჩევ ჯგუფში ორი მატჩი ჩაატარა, ლიხტენშტაინს გორში ანგარიშით 4:0 სძლია, ხოლო ბაქოში აზერბაიჯანი ანგარიშით 0:3 დაამარცხა და 6 ქულით ლიდერობდა. შვეიცარიამ კი ჯგუფში ჯერ მხოლოდ ერთი შეხვედრა ჩაატარა, გასვლაზე ლიხტენშტაინს ანგარიშით 0:5 სძლია და 3 ქულა ჰქონდა.
საქართველოს ნაკრებმა წარმატებული სტარტით გულშემატკივარი დააიმედა, რომ 2021 წლის ევროპის ჩემპიონატზე მოხვედრა (რომელსაც უნგრეთი და სლოვენია ერთად უმასპინძლებს) ზღაპრის სფეროდან იყო.
სამწუხაროდ, იყო დანაკლისი - გუნდს ტრავმების გამო ლუკა ლაკვეხელიანი და ლევან ხარაბაძე ვერ დაეხმარნენ. მათ ნაცვლად მთავარმა მწვრთნელმა გია ცეცაძემ იური ტაბატაძე ("საბურთალო") და ვახტანგ ნებიერიძე (ქუთაისის "ტორპედო") გამოიძახა. თუმცა, მარცხენა ფლანგზე "რუსთავის" ნახევარმცველი ლუკა სილაგაძე გაამწესა.

ჯერ ჩვენ, მერე მასპინძლები
შეხვედრის დასაწყისი მასპინძლებისთვის მოულოდნელი გამოდგა: საქართველოს ნაკრებმა გაწვრთნილმა გია ცეცაძის გუნდმა მასპინძლებს აგრესიული, მაღალი პრესინგი შესთავაზა და მათსავე საჯარიმოსთან საკმაოდ უხერხულ წნეხს უქმნიდა.
მე-5 წუთზე საქართველოს ნაკრებმა ძალიან სწრაფი კონტრშეტევის წამოწყება მაოხერხა, საჯარიმოში გიორგი არაბიძე შევარდა და ანგარიშის გახსნის მშვენიერი შანსი ხელიდან გაუშვა.
შვეიცარიელებმა მალე პრესინგიდან თავსი დაღწევა მაოხერხეს და ორი სახიფათო შეტევა განახორციელეს: მე-16 წუთზე ჯერ კარის წინ სედრიკ ზესიგერი გაიხსნა და კიდევ კარგი, სუსტად დაარტყა - მეკარე ლუკა გუგეშაშვილმა ბურთი იოლად მოიპოვა. ერთ წუთში კი რუბენ ვარგასის მიერ კუთხეში დარტყმულ ბურთს ისევ გუგეშაშვილი გადაეღობა.
მე-20 წუთზე შვეიცარიელთა კარს ნიკა ნინუა დაემუქრა, მაგრამ მცველისგან ასხლეტილმა ბურთმა მიმართულება შეიცვალა და კარისკენ აღარ წავიდა.
33-ე წუთზე ისევ ვარგასმა შემოგვიტია, რომელიც შვეიცარიელებში ყველაზე სახიფათო იყო. საინტერესოა, რომ "აუსბურგის" ფლანგის შემტევს შვეიცარიის ეროვნულ ნაკრებშიც უთამაშია - მის მიერ შესრულებული საჯარიმოს შემდეგ ბურთი ჩვენი ახალგაზრდული გუნდის კარს მცირედ აცდა.
მერე ბექა ქავთარაძემ შეუტია და მიზანს ააცილა. საპასუხო შეტევის დაგვირგვინებას ვაგრასი ცდილობდა და მცველისგან ბურთი კუთხურზე მოიგერია. საბოლოოდ, გუნდები შესვენებაზე უგოლოდ გავიდნენ 0:0.

არაბიძემ ჩაახვია
მეორე ტაიმი შვეიცარიელთა უპირატესობით დაიწყო. პირველი მომენტიც მასპინძლებმა შექმნეს, ოღონდ, ჩვენი ნაკრების დაცვის უხეში შეცდომის შედეგად. ილია ბერიაშვილმა საკუთარ საჯარიმოში უყურადღებოდ ითამაშა, ნოა ოკოფორმა ბურთი აართვა და კიდევ კარგი, არაზუსტად დაარტყა, თორემ მინიმუმ ხიფათს ვერ ავცდებოდით. მალე კი ტონი დომჟონმა შეუტია და "ციურიხის" ნახევარმცველის დარტყმაც არაზუსტი გამოდგა.
57-ე წუთზე საქართველოს ახალგაზრდულმა ძალიან ბავშვური შეცდომა დაუშვა და ანგარიშიც გაიხსნა: შვეიცარიელებს ოკოფორი დაუშავდათ, მასპინძლებმა ჯარიმა გაითამაშეს და ამ დროს ჩვენს დაცვას დაეძინა - "გრასჰოპერის" ნახევარმცველის, პეტარ პუშიჩის პასით მეკარესთან პირისპირ რუბენ ვარგასი დარჩა და ზუსტად დაარტყა 1:0.
მაგრამ ჩვენა გუნდმა წონასწორობა მალე აღადგინა: მეტოქის საჯარიმოს დანიშნული ჯარიმიდან გიორგი არაბიძემ ბურთი ჩაახვია და კარის ბადე შეარხია - 1:1.
თამაში მოედნის ცენტრიდან განახლდა და შვეიცარიელებმა ძალიან სახიფათო შეტევა წამოიწყეს, კარში რამდენჯერმე დაარტყეს, მაგრამ მოედანზე ახალშესულმა "იანგ ბოიზის" ნახევარმცველის, ჯორდან ლოტომბას შეტევებს ჯერ ბერიაშვილი გადაეღობა, შემდეგ კი მეაკრემ მოიგერია და გუნდი აშკარა გოლისგან იხსნეს.
ორიოდე წუთში ვატო არველაძემ კონტრშეტევა წამოიწყო და მახვილი კუთხიდან კარს ააცილა.

საფეხბურთო კანონი
შვეიცარიელთა მთავარმა მწვრთნელმა მაურო ლუსტრინელიმ შეტევების გაძლიერება სცადა და 73-ე წუთზე მოედანზე ორი დასვენებული შემტევი შეუშვა - ფილიპ სტოჟილკოვიჩი და ნედიმ ბაირამი. ამ უკანასკნელმა 77-ე წუტზე შეუტია და კარსაა აცილა.
79-ე წუთზე საქართველოს დაწინაურების რეალური შანსი მიეცა: არველაძემ მეკარესთან პირისპირ არაბიძე დატოვა, მაგრამ მეკარე ანტონი რაჩოპი კარიდან დროულად გამოვიდა და შვეიცარიელები აშკარა გოლისგან იხსნა.
სამწუხაროდ, საფეხბურთო კანონი ამოქმედდა და გამოუყენებელი მომენტისთვის დავისაჯეთ. 83-ე წუთზე გაშვებული გოლი ისევ ჩვენი ბავშვური შეცდომის შედეგად გავიდა: ლოტომბამ ბასტიენ ტომას ბურთი გაუთამაშა, მცველმა ვერ დაუფარა და ზუსტად დაარტყა 2:1.
85-ე წუთზე შვეიცარიას კიდევ ერთი შანსი მიეცა, როდესაც ლოჩოშვილმა მასთან პირისპირ დარჩენილი სტოჟილკოვიჩის დარტყმა მოიგერია და გუნდი გოლისგან იხსნა.
89-ე წუთზე ჩვენებს წონასწორობის აღდგენის კიდევ ერთი რეალური შანსი ჰქონდათ. ნიკა მალმა თამაში საკუთარ თავზე აიღო, შვეიცარიელთა საჯარიმოსთან პატარა სპექტაკლი დადგა, რამდენიმე მეტოქეს ეფექტური დრიბლინგით გაცდა და კარის წინ ნუგზარ სპანდერაშვილი დატოვა, მაგრამ მან რეალური შანსი გაანიავა და საბოლოოდ, საქართველოს ახალაგზრდულმა ნაკრებმა დასანანი მარცხი იწვნია 2:1.

ჯგუფის დანარჩენი შეხვედრები ასე დასრულდა:
ლიხტენშტაინი - სლოვაკეთი 2:4
საფრანგეთი - აზერბაიჯანი 5:0

ამ წაგებით საქართველო მეორე ადგილზე დაქვეითდა, ხოლო შვეიცარია პირველ ადგილზე დაწინაურდა. შემდეგ შეხვედრას საქართველოს ნაკრები ძალინა ცუდი გრაფიკით ჩაატარებს: 16 ნოემბერს საფრანგეთს ესტუმრება, ხოლო 18-ში - სლოვაკეთს.


ევრო2021 შესარჩევი "ბ" ჯგუფი

1. შვეიცარია 2 2 0 0 7:1 6
2. საქართველო 3 2 0 1 8:2 6
3. საფრანგეთი 1 1 0 0 5:0 3
4. სლოვაკეთი 2 1 0 1 5:4 3
5. ლიხტენშტაინი 4 1 0 3 3:13 3
6. აზერბაიჯანი 4 1 0 3 2:0 3
5750
მკითხველის კომენტარები / 0 /
მსგავსი ამბები
რუბრიკის სხვა სიახლეები
;