U23. ძიუდო. ევროპის ჩემპიონატი: ქართველების უმედლო დღე

საქართველოს ნაკრებმა ევროპის 23 წლამდე ძიუდოისტთა ჩემპიონატზე გამოსვლა წარუმატებლად დაიწყო. ჩერნოგორიის დედაქალაქ პოდგორიცაში დღეს, 10 ნოემბერს დაწყებულ ტურნირში სამმა ქართველმა ძიუდოისტმა იასპარეზა.

გოგონათა შეჯიბრის სანუგეშო ტურნირში გააღწია მარიამ ჯანაშვილმა (52), თუმცა ესპანელ ანა პერეს ბოქსთან დამარცხდა. მანამდე ჯანაშვილმა უკრაინელ და იტალიელ მეტოქეებს სძლია, აზერბაიჯანელთან კი წააგო.

ვაჟთა შეჯიბრში ირაკლი კუპატაძემ (60) სასტარტო შეხვედრის მოგების შემდეგ, ასევე აზერბაიჯანელ მეტოქესთან წააგო. 66-ში პირველივე ორთაბრძოლა დათმო ზვიად ხუბულურმა.

ხვალ, 11 ნოემბერს, ჩერნოგორიული ტატამი 73-81-კილოგრამიან ბიჭებს და 63-70-ის გოგოებს დაეთმობათ. საქართველოს ნაკრებიდან მედლებისთვის ტატო გრიგალაშვილი, ბექა შავდათუაშვილი (ორივე 73) და ბექა დონღვანი (81) იბრძოლებენ.

507
მკითხველის კომენტარები / 0 /
მსგავსი ამბები
რუბრიკის სხვა სიახლეები