VAR-მა აუტი არაო... უეფამ აიაქსის მესამე გოლი სამართლიანად მიიჩნია

ჩემპიონთა ლიგის 1/8 ფინალში, მადრიდის „რეალისა“ და ამსტერდამის „აიაქსის“ მატჩში (1:4) სტუმართა მესამე გოლმა დიდი მითქმა-მოთქმა გამოიწვია. მიიჩნევდნენ რომ, ტადიჩის დარტმამდე ბურთმა გვერდითი ხაზი გადაკვეთა, მაგრამ შეხვედრის გერმანელმა არბიტრმა ფელიქს ბრიხმა თამაში არ შეაჩერა.

როგორც უეფას ოფიციალური საიტი იტყობინება, აღნიშნულ ეპიზოდში შეხვედრის არბიტრი სამართლიანად მოიქცა. იქვეა განმარტებაც:

ვერ აღმოვაჩინეთ სერიოზული მტკიცებულება, რომ ბურთმა მთლიანად გადაკვეთა გვერდითი ხაზი, შევისწავლეთ სხვადასხვა კუთხიდან გადაღებული კადრები, გავაანალიზეთ VAR სისტემის მეშვეობით, ამას გარდა, აღნიშნულ ეპიზოდში გვერდით მსაჯსაც იდეალური პოზიცია ჰქონდა შერჩეული და მანაც მიიჩნია, რომ ბურთს სრულად არ დაუტოვებია მოედნის ფარგლები. ასე რომ გოლი სამართლიანად იქნა ჩათვლილი.

586
მკითხველის კომენტარები / 0 /
მსგავსი ამბები
;