[VIDEO, კომენტარი] გიორგი წიტაიშვილმა ჯერ ბრწყინვალე საგოლე პასი გააკეთა, მერე ხარიხას მოარტყა ბურთი. ქართველი 20-წლამდელთა მუნდიალზე უკრაინის სახელით

გიორგი წიტაიშვილმა ბრწყინვალედ ითამაშა პოლონეთში დაწყებულ 20-წლამდელთა მსოფლიოს ჩემპიონატის სასტარტო მატჩში, რომელშიც უკრაინის ნაკრებმა 2:1 მოუგო აშშ-ს. გიორგი ახლო წარსულში ცნობილი ფეხბურთელის, კობა წიტაიშვილის ვაჟია და უკვე წლებია, უკრაინაში თამაშობს.

აგერ, 18 წლის ნიჭიერი ნახევარმცველი უკრაინის 20-წლამდელთა ნაკრების მწვრთნელმა ოლექსანდრ პეტრაკოვმა მსოფლიოს ჩემპიონატზე წაიყვანა და პირველივე მატჩში სასტარტო შემადგენლობაშიც დააყენა.

წიტაიშვილმა ჯერ ბრწყინვალე საგოლე პასი მისცა სერგეი ბულეცას, მეორე ტაიმში კი მისმა შორეულმა დარტყმამ ხარიხა შეაზანზარა. ჯგუფური ეტაპის მეორე მატჩს უკრაინელები 27 მაისს ყატართან გამართავენ, რომელმაც პირველ ტურში ნიგერიასთან 0:4 წააგო. მატჩის შემდეგ წიტაიშვილმა კომენტარი გააკეთა:

"პირველი მატჩი ყოველთვის რთულია. მადლობა ღმერთს, გამოვედით ამ სიტუაციიდან და შევძელით მეორე ტაიმში თამაშის საჩვენოდ შეცვლა. შესვენებისას მწვრთნელმა გვითხრა, თუ რა უნდა გამოგვესწორებინა და ჩვენც დავალებები ზუსტად შევასრულეთ. კარგია, რომ მოვიგეთ, თუმცა ბევრი შეცდომა გვქონდა, რაც აუცილებლად უნდა გავაანალიზოთ და აღარ გავიმეოროთ...

აშშ-ის ნაკრებმა არ გამარკვირვა. მე პირადად ველოდი ამ გუნდისგან ასეთ თამაშსაც და ცოტა მეტსაც. ჩვენ დასაწყისში ცოტათი შებორკილები ვიყავით, თითქოს, გვეშინოდა კიდეც, მაგრამ ეს ისევ და ისევ სასტარტო მღელვარებით იყო გამოწვეული. მერე ვნახეთ, რომ მეტოქე არ იყო იმდენად ძლიერი, როგორც გვეგონა და ჩვენი თამაში მოვახვიეთ თავს", - ამბობს წიტაიშვილი. 

953
მკითხველის კომენტარები / 1 /
თეიმურაზ რეხვიაშვილი
0
ვაისმა ჯერ ჯიქია დაგვაკარგვინა,მერე ბეგლარიშვილი და
ეხლა წიტაიშვილს გვაკარგვიებს მას ცალ ფეხზე კიდია ქართული ფფეხბურთის მომავალი ამიტომ არ ათამაშებს ხარაიშვილს,ზარანდიას,გაბედავას წიტაიშვილი,პარუნას კვარაცხელიას,შენგელიას,შინდაგორიძეს,დიასამიძეს,ხარაბაძეს.
მსგავსი ამბები
რუბრიკის სხვა სიახლეები
;