ქალაქ ტაშკენტში, საზეიმო ვითარებაში აღინიშნა საქართველო-უზბეკეთის დიპლომატიური ურთიერთობის 25 წლისთავი და საქართველოს დამოუკიდებლობის დღე. მაყურებლის წინაშე წარდგნენ ცნობილი ქართველი შემსრულებლები ნანი ბრეგვაძე, ეკა მამალაძე, ანსამბლი "შვიდკაცა", დათო გომართელი. ეროვნული ჰიმნები შეასრულა უზბეკეთის ნაციონალურმა ორკესტრმა.

ღონისძიების ერთ-ერთი ყველაზე სანახაობრივი მომენტი იყო ანსამბლ "შვიდკაცას" სიმღერაზე შოთა და არჩილ არველაძეების მიერ შესრულებული რაჭული ცეკვა.