ნიღბიანმა შენგელიამ რუსეთში ფარი ჩამოლეწა [VIDEO]

თორნიკე შენგელიამ რუსეთში ფასეული გამარჯვება მოიპოვა. მისი "ბასკონია" პოდმოსკოვიეს "ხიმკის" დაუპირისპირდა და 85:77 დაამარცხა.

ბასკებმა წარმატებას ბოლო პერიოდის მაღალ დონეზე ჩატარების შედეგად მიაღწიეს. სამი ათწუთეულის შემდეგ "ბასკონია" 57:58-ს აგებდა, მეოთხეში კი, შენგელიას, ჯენინგის, ჰილარდისა და ვოიტმანის ეფექტური თამაშის წყალობით რუსებს შანსი არ დაუტოვეს.

თოკო 22 წუთზე მეტს ითამაშებდა ოთხი ჯარიმა რომ არ მიეღო, თუმცა იმ მომენტისთვის, როცა მან სათადარიგოთა სკამზე გადაინაცვლა "ბასკონიას" 8-ქულიანი უპირატესობა ჰქონდა, რომლის შენარჩუნება არ გასჭირვებია. მწვრთნელმა ბოლო წუთებზე ქართველი მოედანზე კვლავ დააბრუნა და როგორც მოგახსენეთ, "ბასკებმა" დამაჯერებელი თამაშით გაიმარჯვეს.
თოკოს ანგარიშზე 8 ქულა და 4 მოხსნა დაგროვდა. მან 7-დან 4 ორქულიანი ჩააგდო.

მეტ ჯენინგმა 12 ქულას 3 პასი მიამატა. 15 ქულით სტუმრების ბომბარდირი დარან ჰილარდი გახდა.

ძალიან საინტერესო ეპიზოდი დაფიქსირდა მესამე პერიოდში. ანგარიშზე 36:45 შენგელია ალეი უპის შემდეგ ჩასატენად აფრინდა, მაგრამ ბურთი ხელიდან გაუსხლტა, ჩატენვაც ვერ მოახერხა და... ფარის მინა ჩამოიმსხვრა.
მატჩი მანამდე შეწყდა, ვიდრე რუსებმა სათადარიგო ფარი არ დაამონტაჟეს.

3008
მკითხველის კომენტარები / 1 /
durati
0
mgeli xarr tokoo
მსგავსი ამბები
რუბრიკის სხვა სიახლეები
;