[VIDEO, სკანდალური აღიარება] არ მოკლა ჩილავერტი! როგორ გადააფიქრებინა კოლუმბიელმა ექსფორვარდმა ასპრილიამ ქილერს ლეგენდარული პარაგვაელი მეკარის მკვლელობა...

 კოლუმბიის ნაკრების ლეგენდამ ფაუსტინო ასპრილიამ დაარწმუნა ქილერი - არ მოეკლა პარაგვაის ნაკრების მეკარე ხოსე ლუის ჩილავერტი 1997 წელს, მსოფლიოს ჩემპიონატის შესარჩევი მატჩის შემდეგ.

ის შეხვედრა ძალიან დაძაბული გამოვიდა, ფეხბურთელებს შორის არა ერთხელ წარმოიშვა კონფლიქტი მინდორზე. ერთ-ერთი ასეთი გარჩევის დროს, ასპრილიამ ჩილავერტს თავში ხელი მოარტყა (იხ. ვიდეო). მსაჯს არ დაუწყია საქმის ვითარების გარკვევა და ორივე ფეხბურთელს წითელი ბარათი უჩვენა. ის შეხვედრა პარაგვაიმ 2:1 მოიგო, რამაც ძალიან გაანაწყენა ერთ-ერთი კოლუმბიელი ფანი.

როგორც ასპრილია იხსენებს, მატჩის შემდეგ, მას სასტუმროს ნომერში უცნობმა დაურეკა და შეატყობინა, რომ ჩილავერტის მოკვლას აპირებდა.

"გიჟი ხარ? შენ გაანადგურებ კოლუმბიურ ფეხბურთს. ყველაფერი, რაც მოედანზე ხდება, იქვე, მოედანზევე რჩება", - უთხრა ქილერს ფაუსტინომ. კოლუმბიელის სიტყვები მოჰყავს BBC-ს.

კოლუმბიელ გულშემატკივრებს მართლაც შეუძლიათ მსგავსი საქციელის ჩადენა. ნაკრების მცველმა ანდრეს ესკობარმა თავის კარში გაიტანა გოლი აშშ-ის ნაკრების (1:2) წინააღმდეგ მსოფლიოს 1994 წლის ჩემპიონატზე, რასაც კოლუმბიელთა ტურნირიდან გამოვარდნა მოჰყვა. 10 დღის შემდეგ, ესკობარი სამშობლოში ჩაცხრილეს. მკვლელი უმბერტო მუნიოსი ყოველი გასროლისას ყვიროდა - "გოლი".

2339
მკითხველის კომენტარები / 1 /
Harumafuji
0
ნუ უწევთ ეხლა რეკლამებს. მასეთი თავდამსხმელი ბევრი შეიძლება მოძებნო.
მსგავსი ამბები
რუბრიკის სხვა სიახლეები
;