[VIDEO] ავსტრალიური გამოცემა მამუკა გორგოძეზე: ქართველები განსაკუთრებული ჯიშის ხალხია - ალმაცერად შეხედავთ და მზად არიან საომრად!

საქართველოს ნაკრებში ლეგენდარული მორაგბის მამუკა გორგოძის დაბრუნება დიდი აჟიოტაჟი გამოიწვია. მსოფლიოს სხვადასხვა სპორტული გამოცემა ამ ფაქტთან დაკავშირებით პუბლიკაციას აქვეყნებს.

ცხადია, არავის ჩამორჩა ფრანგული ყოველდღიური გაზეთი "მიდი ოლიმპიკი", რომელმაც მამუკა გორგოძესთან ინტერვიუ გამოაქვეყნა. საუბარი ძირითადად მაინც საკლუბო თემას შეეხო. ინტერვიუდან ცნობილი გახდა, რომ გორგოძეს 90 პროცენტით გადაწყვეტილი აქვს სეზონის დასრულების შემდეგ რაგბის გამოეთხოვოს. კითხვაზე, რით დაკავდება ის ამის შემდეგ მამუკამ უპასუხა:

"აქვს რამდენიმე პროექტი, რომელიც რაგბისთან კავშირში არ არის. ჯერ სამშობლოში დავბრუნდები და იქ გამოჩნდება".
კიდევ უფრო ვრცელი წერილი მიუძღვნა მამუკა გორგოძეს ავსტრალიურმა სარაგბო ვებ გვერდმა Rugby.com.au-მ სათაურით, "რატომ უნდა ეშინოდეს "ვოლაბებს" ლეგენდარული ქართველი მორაგბის".

ბორჯღალოსნები. მამუკა გორგოძე: სამი წლის განმავლობაში არაერთი მცდელობა იყო, რომ გადაწყვეტილება შემეცვალა

გამოცემა "ვოლაბების" ყოფილ მორაგბეს დრიუ მიტჩელს დაუკავშირდა, რომელიც ქართველი მორაგბეების და მათ შორის მამუკა გორგოძის მეგობარია. მიტჩელი 2014-2017 წლებში "ტულონში" თამაშობდა. იმ დროს ამ გუნდში ერთბაშად ექვსი ქართველი მორაგბე ირიცხებოდა. მიტჩელს და კიდევ ერთ ავსტრალიელს მეთ გიტოს ყველაზე ახლო ურთიერთობა სწორედ ქართველებთან ქონდათ. "ტულონიდან" წასვლის წინ მიტჩელმა სოციალურ ქსელებში ფოტო გამოქვეყნა მინაწერით - "ჩემს ქართველ ძმებთან". ფოტოზე დრიუ და ტულონელი ქართველები იყვნენ.
გთავაზობთ ამონარიდს ამ პუბლიკაციიდან

"ქართული რაგბის 35 წლის ლეგენდა, რომელსაც ეროვნულ გუნდში 71 კეპი აქვს მოხვეჭილი საქართველოს ნაკრებში ბრუნდება და იაპონაში გასამართ მსოფლიოს თასზე ითამაშებს. ეს მისთვის მეოთხე მსოფლიოს თასი იქნება. გორგოძე ნაკრებიდან 2017 წელს წავიდა, თუმცა გუნდში ტრავმების სიხშირის გამო დაბრუნება გადაწყვიტა. ამ ამბავმა შესაძლოა "ვოლაბების" ხელმძღვანელობა დააფიქროს, იქნებ ღირდეს ყინულის დამატებითი პაკეტების წაღება შიძუოკაში, 11 ოქტომბერს საქართველოს ნაკრებთან დაპირისპირებისათვის.

ქართველები დიდი ფიზიკური ძალით გამოირჩევიან და მსოფლიოში ყველაზე მძლავრი მათი შერკინება ყველასთვის შიშის მომგვრელია.

საქართველოს ნაკრებმა 2007 და 2011 წლებში თითქმის დაამარცხა შესაბამისად ირლანდია და შოტლანდია. 2015 წლის მსოფლიოს თასზე კი, ორი მატჩი მოგო. აქედან გამორჩეული ტონგასთან გამარჯვება იყო. ქართველებმა წინააღმდეგობა "ოლ ბლექსსაც" გაუწიეს. პირველი ტაიმი ახალზელანდიელებმა მხოლდო 22:10 მოიგეს. გორგოძე მატჩის საუკეთესო მორაგბედ დაასახელეს, ისევე როგორც ინგლისთან დაპირისპირებაში 2011 წელს.

აი რას ჰყვება მამუკა გორგოძეზე დრიუ მიტჩელი:

ის ნამდვილი ლიდერი იყო. ყველა ქართველი ბიჭები ჩვენს გუნდში მას დიდი პატივს სცემდნენ - დიახ მამუკა, როგორც შენ იტყვი მამუკა - ასე მიმართავდნენ.

მიუხედავად იმისა, რომ მრისხანე გამომეტყველება აქვს, სინამდვილეში ძალიან კეთილი და თავმდაბალია კაცია. ერთხელ მან შინ მიგვიწვია კონიაკზე და სიგარაზე. ტულონში ბევრჯერ არ ვყოფილვარ ასეთი თავყრილობაზე, სადაც წითელი ხისგან დამზადებული ტყავის სავარძლებში მოკალათებული კონიაკს ვწრუპავდი.

გორგოძე რომ არ დაბრუნებულიყო, ავსტრალიის ნაკრებს ისედაც მძიმე ბრძოლა ელოდა ქართველებთან. მათი შერკინება ძალიან დიდი აქტივია. "მუკსი" (მამუკა გორგოძე) დიდხანს იბრძოდა, რომ საქართველო ექვს ერში მიეღოთ, მაგრამ არ გამოვიდა. ამიტომ, ისინი ეცდებიან თავი საუკეთესო კუთხით წარმოაჩინონ.

საფრანგეთის ჩემპიონატში 30 ფიჯელი გარემარბი და 30 ქართველი მორკინალი თამაშობს. ეს კიდევ ერთხელ ადასტურებს მათ ძალას. "ვოლაბები" ბრძოლისთვის მზად უნდა იყვნენ, ამ სიტყვის სრული მნიშვნელობით. მათ რამდენიმე ძალიან ძლიერი მორკინალი ჰყავთ, რომლებიც მეტოქის დაშლას შეეცდებიან. გახსოვთ, არცთუ დიდი ხნის წინათ ქართველები ინგლისის ნაკრებთან ერთობლივ წვრთნებს მართავდნენ. მესამე შერკინების შემდეგ ინგლისელებმა ჩხუბი ატეხეს. აი, ასეთი ღონიერები არიან ისინი.

თუ თქვენ ქართველს ალმაცერად შეხედავთ ან თამაშისას ანაზდეულად ხელს კრავთ, ის უმალ მზად არის საომრად.
ეს განსაკუთრებული ჯიშის ხალხია. "მუკსი" კი, ბოსია"

12065
მკითხველის კომენტარები / 0 /
მსგავსი ამბები
რუბრიკის სხვა სიახლეები
;