[VIDEO] არბიტრი მოედანზე დაეცა და... გარდაიცვალა. ტრაგედია ბოლივიაში

ბოლივიაში, მთავარი ლიგის ერთ-ერთი მატჩისას, რომელშიც ერთმანეთს "ოლვეიზ რედი" და "ორიენტე პეტროლერო" ხვდებოდნენ, არბიტრმა უგო ურტადომ გონება დაკარგა და მოედანზე დაეცა. სასწრაფო დახმარების მანქანით ის უახლოეს კლინიკაში გადაიყვანეს, სადაც 31 წლის რეფერი გონზე მოუსვლელად გარდაიცვალა.

ბევრი ტრაგედიის მიზეზს უკავშირებს ელ ალტოს მდებარეობას. ეს არის ქალაქი მილიონზე მეტი მოსახლით, რომელიც ზღვის დონიდან 4150 მეტრზეა გაშენებული, თავად სტადიონი კი 3900 მეტრ სიმაღლეზეა. ეს სტადიონი მსოფლიოში ყველაზე მაღლაა ზღვის დონიდან იმ არენებს შორის, სადაც პროფესიულ ფეხბურთს თამაშობენ.

იქ ჰაერი გაიშვიათებულია და არ არის გამორიცხული, მართლაც ეს იყოს ტრაგედიის მიზეზი. ცნობილია, რომ ბევრი არაბოლივიური კლუბი თუ ნაკრები ერიდება ამ ქვეყანაში, ზღვის დონიდან ასეთ სიმაღლეზე, მატჩების ჩატარებას.

2377
მკითხველის კომენტარები / 0 /
მსგავსი ამბები
რუბრიკის სხვა სიახლეები
;