[VIDEO] ბაიერნმა დორტმუნდთან სეზონის პირველი ტიტული წააგო

გერმანიაში ახალი სეზონი სუპერთასის მატჩით დაიწყო, რომელშიც ერთმანეთს დორტმუნდის „ბორუსია“ და მიუნხენის ბაიერნი „შეხვდნენ“. ჯეიდონ სანჩოსა და პაკო ალკასერის გოლებით დორტმუნდელებმა 2:0 დაამარცხეს „ბაიერნი“ და მეექვსედ მოახერხეს გერმანიის სუპერთასის მოგება (მანამდე მათ ეს 1989, 1995, 1996, 2013 და 2014 წლებში შეძლეს).

დორტმუნდი-ბაიერნი 2:0

1:0 პაკო ალკასერი (48). 2:0 ჯეიდონ სანჩო (69).

დორტმუნდი: ჰიტცი, პიშჩეკი (80. ვოლფი), აკანჯი, ტოპრაკი, შულცი, სანჩო (81. ბრუნ ლარსენი), ვიტცელი, ვაიგლი, როისი, რაფაელ გერეირო (75, ჰაკიმი), პაკო ალკასერი.

ბაიერნი: ნოიერი, კიმიხი, ზიულე, ბოატენგი, ალაბა (70. რენატო სანჩესი), გორეცკა, ტოლისო, კომანი, მიულერი (66. დეივისი), ტიაგო ალკანტარა (80. პავარი), ლევანდოვსკი.

ლუსიენ ფავრი (დორტმუნდი): საკუთრ მოედანზე ვთამაშობდით და რა თქმა უნდა საკუთარი გულშემატკივრის წინაშე მოგება გვსურდა. „ბაიერნმა“ მაღალ დონეზე ითამაშა, ბურთის ფლობის მაჩვენებითაც გვაჯობა (65%), ჩვენ თავს კარგად ვიცავდით, კომპაქტურად ვთამაშობდით და ჩვენს შანსს ველოდებოდით. კიდევ ერთხელ დავამტკიცეთ, რომ კონტშეტევაზე თამაში კარგად შეგვიძლია“.

ნიკო კოვაჩი (ბაიერნი): „წავაგეთ და რა თქმა უნდა გულგატეხილები ვართ. მარცხის მიუხედავად. ვფიქრობ, ღირსეულად ვითამაშეთ, შევქმენით საგოლე მომენტები, მაგრამ სამწუხაროდ გატანა ვერ მოვახერხეთ, დორტმუნდმა კი ჩვენი ორი შეცდომით კარგად ისარგებლა და ორი გოლი გაგვიტანა. ეს იყო სეზონის პირველი მატჩი და ვერ ვიტყვი, რომ უკმაყოფილო ვარ“.

818
მკითხველის კომენტარები / 0 /
მსგავსი ამბები
რუბრიკის სხვა სიახლეები
;