[VIDEO] ბითაძემ ერთი, მაგრამ რა ჩატენა! "ინდიანამ" მემფისელი დათვებიც დაამარცხა

ნაციონალურ საკალათბურთო ასოციაციაში მეათე მატჩი მოიგო გოგა ბითაძის "ინდიანა პეისერსმა". ინდიანაპოლისში "მემფის გრიზლისი" ჩავიდა და ქულაუხვი მატჩიც გაჩაღდა. საფინალო სირენამ 126:114 დააფიქსირა "პეისერსის სასარგებლოდ.

ქართველმა წინახაზელმა მოედანზე 7 წუთი გაატარა, თუმცა უქმად არ ყოფილა: 3-დან 1 ორქულიანი, 2-დან 2 საჯარიმო ჩააგდო და 4 ქულას თითო მოხსნა-დაფარება წაუმატა.

თავისი მრავალმხრივობა გამოავლინა არვიდას საბონისის ინდიანელმა ვაჟმა დომანტასმა: 13 ქულა, 13 მოხსნა, 6 პასი. საუკეთესო იყო გოგას თანაგუნდელი ტი ჯეი უორენი - 26 ქულა. "მემფისი" კი ორმაგი დუბლი ლიტველმა იონას ვალანჩუნასმა შეასრულა(14 ქულა, 11 მოხსნა).

"ინდიანა პეისერსს" 10 მოგების წილ 6 წაგება აქვს და აღმოსავლეთის კონფერენციაში მეექვსეა. მომდევნო მატჩს ასევე შინ, "იუტა ჯაზთან" გამართავს. შეხვედრა 28 ნოემბერს, თბილისის დროით გამთენიისას, 4 საათზე გაიმართება.

Indianapolis Star: სტატისტიკა სრულად ვერ ასახავს ბითაძის კარგ თამაშს

4264
მკითხველის კომენტარები / 0 /
მსგავსი ამბები
რუბრიკის სხვა სიახლეები
;