[VIDEO] მერამდენედ?! გაგამარუს ისევ ჰენკათი გაეცალნენ

ნაგოიას ბაშოზე ჯურიოს დივიზიონში მოასპარეზე ქართველ გაგამარუს (თეიმურაზ ჯუღელი) აუცილებლად სჭირდებოდა დადებითი ბალანსის მოპოვება, რათა მომავალ ბაშოზე მაკუუჩი დივიზიონში აღზევებულიყო.

სამწუხაროდ ბაშოს მეექვსე დღის შემდეგ, გაგას ამის მიღწევა საკმაოდ გაუჭირდება, რასაც როგორც გაირკვა თავისი ობიექტური მიზეზები აქვს. გავრცელებული ინფორმაციის თანახამად, ირკვევა რომ მიმდინარე ბაშოზე გაგამარუ ფეხის თითის მოტეხილობით ასპარეზობს, რაც მის შედეგებზეც ისახება.

მიუხედავად ამ ტრავმისა, გაგა, ჯერჯერობით, მაინც აგრძელებს ასპარეზობას და მეექვსე დღეს ჯურიოს მესამე ნომერ ჩიოშომას დაუპირისპირდა. როგორც ხშირად მოხდა უკვე ამ ბაშოზე, მეტოქემ ამჯერადაც ჰენკა გამოიყენა და ისე დაამარცხა ქართველი - სასტარტო დაჯახების დროს გვერდზე გახტა და იოლი გამარჯვება მოიპოვა, უვატედაშინაგეს ილეთით.

ამრიგად 6 დღის შემდეგ გაგამარუს მოგება წაგებათა ბალანსი 1-5 გახდა და თუ მისი ჯანმრთელობის მდგომარეობას გავითალისწინებთ, თითქმის წარმოუდგენლად მიგვაჩნია რომ მან ეს ბაშო დადებითი ბალანსით დაასრულოს.

1360
მკითხველის კომენტარები / 1 /
გერა
0
მერამდენედ და რამდენიც საჭიროა იმდენჯერ. დაუჭერენ მუღამს ამ ჩვენს სუმოისტებს და მიდი და მიდი აგებინებენ ბრძოლებს.
მსგავსი ამბები
რუბრიკის სხვა სიახლეები
;