[VIDEO] გენო პეტრიაშვილი: ბრძოლის წინ ვთქვით, არცერთი ნაბიჯი უკან!.. ემოციური მსოფლიოს ჩემპიონი საქართველოს ჰიმნზე...

შევაჯამოთ შაბათი ყაზახეთში მიმდინარე მსოფლიოს ჩემპიონატზე - ჩვენი ნაკრებისთვის 21 სექტემბერი ძალზე წარმატებული აღმოჩნდა: მოვიპოვეთ ორი მედალი, მათ შორის - ერთი ოქრო, და გავინაღდეთ კიდევ ერთი ჯილდო.

მსოფლიოს ჩემპიონი ზედიზედ მესამედ გახდა მძიმეწონოსანი გენო პეტრიაშვილი, ვინც ფინალში 6:6-ზე, ბოლო ქულების დამსახურებით დაამარცხა მისთვის უპრინციპულესი მეტოქე, თურქი ტაჰა აკგული. მან ბოლო წამებზე აართვა მეტოქეს ორი ქულა, როცა ფეხიდან აყვანილი დაბლა გადაიყვანა და ანგარიშიც გაათანაბრა, თუმცა რაკი ბოლო ქულები გენოსი იყო, მოგებაც მას დარჩა.

ბრინჯაოს მედალს ევროპის წლევანდელი მესამე პრიზიორი ირაკლი მწითური (92) დაეუფლა, ვისთვისაც ეს მსოფლიოს პირველობაზე მოპოვებული პირველი ჯილდოა, ხოლო დღესვე ფინალის საგზური ევროპის ვიცე-ჩემპიონმა ბექა ლომთაძემ (61) მოიპოვა.

ამასთან, ლომთაძემ და პეტრიაშვილმა ტოკიოს ოლიმპიადის საგზურებიც მოიპოვეს. მართალია, ექვსეულში ზურაბ იაკობიშვილი (70) და მწითურიც მოხვდნენ, მაგრამ მათი წონები არ შედის ოლიმპიადის პროგრამაში. ეს საქართველოსთვის მეხუთე ლიცენზიაა.

ფინალის შემდეგ გენო პეტრიაშვილმა ორიოდ სიტყვით შეაჯამა გამარჯვება: "ფინალის წინ შევიკრიბეთ და ყველამ ვთქვით: არცერთი ნაბიჯი უკან! თურქი ძალიან ძლიერი მეტოქე იყო, მაგრამ საბედნიეროდ, ვიბრძოლე და გავიმარჯვე".

2448
მკითხველის კომენტარები / 2 /
soxumeli veterani
0
Genacvale geno! Gilocav!
სოსო
0
აკგულს შეეძლო ხალიჩიდან გასულიყო და ერთი ქულით მოეგო,მაგრამ არ იკადრა და ბრძოლის დამთავრების შემდეგ,გენომაც მისი ხელის მაღლა აწევით დაუფასა ეს.მართლაც ერთმანეთის საფერო ვაჟკაცები არიან.
მსგავსი ამბები
რუბრიკის სხვა სიახლეები
;