[VIDEO] გიორგი კუხიანიძე: დინამოში ჩისკომ მომიწვია...

გიორგი კუხიანიძე კარიერას თბილისის "დინამოში" რომ გააგრძელებს, უკვე ცნობილი ამბავია. ბოლო დროს ის ქუთაისის "ტორპედოს" ერთ-ერთი წამყვანი ფეხბურთელი გახლდათ. 26 წლის კუხიანიძეს "დინამოს" პრესსამსახურის ჟურნალისტი გაესაუბრა.

"მოხარული ვარ თბილისის "დინამოში" გადმოსვლით. ვფიქრობ, ეს ჩემთვის წინგადადგმული ნაბიჯია. "დინამოში" მოვხვდი ჩისკოს მოწვევით და იმედი მაქვს, გავამართლებ მის იმედებს. რაც შეეხება მიზნებს, "დინამოს" ყოველთვის უმაღლესი მიზნებისთვის იბრძვის და ეს მიზანია ჩემპიონობა. "დინამოს" შეუძლია ამ მიზნისთვის ბრძოლა...

...რაც შეეხება გუნდში არსებულ მდგომარეობას, ძალიან მეგობრული სიტუაციაა და მეგობრულადვე დამხვდნენ "დინამოს" ფეხბურთელები. ვფიქრობ, შედეგის მისაღწევად ერთ-ერთი მნიშვნელოვანი ფაქტორი სწორედ ასეთი სიტუაციაა - გუნდურობა.

ჩემი მხრივ, ამ გუნდისთვის მაქსიმუმს გავიღებ. იმედი მაქვს, ნდობას გავამართლებ. გულშემატკივრებს ვპირდები, რომ თავს არ დავზოგავ და ყველანაირად ვეცდები, გუნდის წარმატებაში ჩემი წვლილი შევიტანო", - თქვა კუხიანიძემ.

ყოველდღიური სპორტული გაზეთი "ლელო"
957
მკითხველის კომენტარები / 0 /
მსგავსი ამბები
რუბრიკის სხვა სიახლეები
;