[VIDEO] დამზადებულია საქართველოში!.. ანუ ის, რითაც შეგვიძლია ვიამაყოთ. მალე რუსთავის ფაბრიკა მსოფლიო ფეხბურთის გრანდებს შემოსავს!..

რუსთავში სამკერვალო ფაბრიკის პრეზენტაცია გაიმართა. ფაბრიკა ოთხ თვეში ამუშავდება და 3 000 ადამიანს დაასაქმებს. ეს იქნება საწარმო, რომელიც შეკერავს სპორტულ ტანსაცმელს სახელგანთქმული საფეხბურთო კლუბებისა და ნაკრებებისთვის. ლაპარაკია, ის მქუხარე ბრენდებზე, როგორებიცაა "ნაიკი", "ადიდასი", "პუმა", "ლოტო"... ახლო მომავალში ამათ დაემატება "ნიუ ბალანსი", რომელიც "ლივერპულს" მოსავს...

საწარმოს გახსნის ცერემონიალს საქართველოს პრემიერ-მინისტრი გიორგი გახარია და ეკონომიკის მინისტრი ნათია თურნავა ესწრებოდნენ. როგორც გახარიამ აღნიშნა, დღეს მთავრობის საზრუნავი, გარდა დამატებითი სამუშაო ადგილების შექმნისა, სხვა არაფერი არ არის.

"ეს არის ჩვენი პრიორიტეტი. ჩვენ ყველას კარგად გვესმის, რომ ეკონომიკური კრიზისების პირობებში ჩვენს მოქლაქეებს ოჯახში შემოსავალი დააკლდათ. ყველაფერი უნდა გავაკეთოთ იმისთვის, რომ ბიზნესზე დარტყმის მინიმიზირება მოვახდინოთ და შევქმნათ ახალი სამუშაო ადგილები, ამასთან ერთად, არსებული სამუშაო ადგილები შევინარჩუნოთ.

ამიტომ, კრიტიკულად მნიშვნელოვანია, რომ აქ, ზუსტად 4 თვეში შეიქმნება 3 000 სამუშაო ადგილი, ამოქმედდება საწარმო. ეს სერიოზული მიღწევაა რეგიონისთვის და ქალაქისთვის. ამ საწარმოს პროდუქტს გამოიყენებენ მსოფლიოში ცნობილი საფეხბურთო კლუბები, ნაკრებები და სპორტსმენები. ჩვენ კი შეგვიძლია ვიამაყოთ იმით, რომ ამ ნაწარმს ეწერება - "დამზადებულია საქართველოში!", - განაცხადა გიორგი გახარიამ.

913
მკითხველის კომენტარები / 0 /
მსგავსი ამბები
რუბრიკის სხვა სიახლეები
;