[VIDEO] ევრო 2020. მსოფლიოს ჩემპიონი დაფრინავს. ისევ 4, ისევ მბაპე, გრიზმანი, ჟირუ...

საფრანგეთის ნაკრებმა შესარჩევი ციკლის მეორე მატჩიც მოიგო. მართალია, მსოფლიოს ჩემპიონებს სტარტზე რთული მეტოქეები არ ჰყავდათ, მაგრამ დიდიე დეშამის გუნდი მაინც ხალისით, დიდი მოტივაციით თამაშობს და ჯერჯერობით თითო მატჩში 4-4 გოლი გააქვს. ასე იყო მოლდოვასთან პირველ ტურში (4:1) და ანალოგიური სპექტაკლი ვნახეთ ისლანდიასთანაც, მშობლიურ "სტად დე ფრანსზე" - 4:0.

ისევე, როგორც წინა მატჩში, ამჯერადაც გოლები ანტუან გრიზმანმა, ოლივიე ჟირუმ და კილიან მბაპემ გაიტანეს. ოღონდ, თუ წინა მატჩში მეოთხე გოლი "რეალის" ცენტრალურმა მცველმა რაფაელ ვარანმა შეაგდო, ახლა იმ სამეულს "ბარსელონას" ცენტრალური მცველი სამუელ უმტიტი შეუერთდა.

H ჯგუფის სხვა ორი მატჩი ასე დასრულდა:

თურქეთი-მოლდოვა 4:0
ანდორა-ალბანეთი 0:3

ყოველდღიური სპორტული გაზეთი "ლელო"
704
მკითხველის კომენტარები / 0 /
მსგავსი ამბები
რუბრიკის სხვა სიახლეები
;