[VIDEO] ევრო 2020. შევჩენკოს უკრაინა ევროპაზე! საფრანგეთმა და თურქეთმა ისლანდია თითქმის თამაშგარეში დატოვეს, სამარცხვინო ამბები სოფიაში...

A ჯგუფი

მორიგი შესანიშნავი მატჩი ჩაატარა ინგლისის ნაკრებმა, რომელმაც დაავიწყა ქომაგს ჩეხეთთან რამდენიმე დღის წინანდელი მარცხი (1:2) და კიდევ უფრო მიუახლოვდა ევროსაგზურს.

გარეთ საუთგეიტის ბიჭებმა სოფიაში 6 უპასუხო გოლი გაუტანეს ბულგარეთს მატჩში, რომელიც წამდაუწუმ წყდებოდა მაყურებლების უწესო საქციელის გამო...

ამ ჯგუფის მეორე შეხვედრაში კოსოვომ შინ ულაპარაკოდ დაამარცხა ჩერნოგორია და ევროპის ჩემპიონატზე გასვლის რეალური შანსი შეინარჩუნა. მასპინძლებმა დიდებული ქომაგობის ფონზე გაიმარჯვეს.

ბულგარეთი-ინგლისი   0:6
გოლები: 0:1 რაშფორდი (7), 0:2 ბარკლი (20), 0:3 ბარკლი (32), 0:4 სტერლინგი (45), 0:5 სტერლინგი (69), 0:6 კეინი (85)
ინგლისი (4-3-3): პიკფორდი - ტრიპიერი, მინგსი, მაგუაირი, ჩილუელი - ბარკლი (72. მაუნტი), უინქსი, ჰენდერსონი - რაშფორდი (76. უილსონი), კეინი, სტერლინგი (73. სანჩო)

კოსოვო-ჩერნოგორია  2:0
გოლები: 1:0 რაჰმანი (10), 2:0 მუქირი (34)

B ჯგუფი

აქ ევროპის ჩემპიონატზე ასპარეზობა გაინაღდა ანდრეი შევჩენკოს გაწვრთნილმა უკრაინამ, რომელმაც შინ ჯერაც კონტინენტის მოქმედი ჩემპიონი პორტუგალია დაამარცხა - 2:1. რომან იარემჩუკისა და ანდრეი იარმოლენკოს გოლებს კრიშტიანო რონალდომ 11-მეტრიანით (კარიერის მე-700 გოლი) უპასუხა. ეს იყო და ეს - კაცნაკლულმა უკრაინამ სათავისო ანგარიში ბოლომდე შეინარჩუნა, მიუხედავად იმისა, რომ ბოლო წუთებში პორტუგალიამ შტურმი მოაწყო 

პორტუგალიელთა მარცხის ფონზე, შანსი შერჩა სერბეთსაც, რომელმაც ალექსანდრ მიტროვიჩის დუბლით გასვლაზე მოუგო ლიტვას, თუმცა მეორე ადგილისთვის ბრძოლში აშკარა ფავორიტი მაინც ფერნანდო სანტუშის პორტუგალიაა...

ლიტვა-სერბეთი  1:2
გოლები: 0:1 ა. მიტროვიჩი (48), 0:2 ა. მიტროვიჩი (53), 1:2 კაზლაუსკასი (79)

უკრაინა-პორტუგალია  2:1
გოლები: 1:0 იარემჩუკი (6), 2:0 იარმოლენკო (27), 2:1 კრიშტიანო რონალდო (72-პენ)
პორტუგალია (4-3-3): რუი პატრისიო - სემედუ, პეპე, დიასი, გერეირო - მოუტინიო (56. ბრუნო ფერნანდეში), ჟოაო მარიო (68. ბრუმა), პერეირა - რონალდო, ბერნარდო სილვა, გედეში  (46. ჟოაო ფელიქსი)
გაძევება: სტეპანენკო (72. უკრაინა)

H ჯგუფი

საფრანგეთმა "სტად დე ფრანსზე" ვერ მოუგო თურქეთს. შეცვლაზე შესულმა ოლივიე ჟურიმ თავურით  შეაგდო, მაგრამ მას მალევე და თან თავურითვე უპასუხა ასევე შეცვლაზე შესულმა ქაან აიჰანმა.

საფრანგეთს რომ მოეგო, ისლანდიას გვარიანი შანსი რჩებოდა, მაგრამ ამ ფრის შემდეგ თურქეთი და საფრანგეთი, უდიდესი ალბათობით, ევროფორუმზე არიან...

საფრანგეთი-თურქეთი 1:1
გოლები: 0:1 ჟირუ (76), 1:1 აიჰანი (82)
საფრანგეთი (4-2-3-1): მანდანდა - პავარი, ვარანი, ლენგლე, ერნანდესი - ტოლისო, სისოკო - კომანი (87. იკონე), გრიზმანი, მატუიდი (77. ლემარი) - ბენ იედერი (72. ჟირუ)

ისლანდია-ანდორა  2:0
გოლები: 1:0 ა. სიგურდსონი (38), 2:0 სიგტორსონი (64)

მოლდოვა-ალბანეთი  0:4
გოლები: 0:1 ჩიკალეში (22), 0:2 ბარე (34), 0:3 ტრაში (40), 0:4 მანაი (90)

[ევრო 2020] ყველა მატჩის ანგარიში, ცხრილები, დარჩენილი თამაშები (განახლებული)...

ყოველდღიური სპორტული გაზეთი "ლელო"
1626
მკითხველის კომენტარები / 0 /
მსგავსი ამბები
რუბრიკის სხვა სიახლეები
;