[ანალიზი, VIDEO] ეროვნული ლიგა. ლოკომოტივი 1-3 ტორპედო. კრიზისშიც მაგრები არიან

ლოკომოტივი - ტორპედო 1:3
10.05. თბილისი. მიხეილ მესხი. სათადარიგო.
გოლები: 0:1 ქავთარაძე (ჩაჩუას პასით), 0:2 ზივზივაძე (14, პენ), 0:3 ლუკა (62), 1:3 შონია (81, სამურკასოვის პასით)
ლოკომოტივი (4-2-3-1): ბულისკერია - უბილავა, ჭანტურია, ძებნიაური, კომახიძე - გვალია (76. სამურკასოვი), შონია - კირკიტაძე, დავითაშვილი, კობახიძე (64. ინჯგია) - ჯიქია (59. სიხარულიძე)
სათადარიგოები: შეროზია, შეყილაძე, ბუიღლიშვილი
მთავარი მწვრთნელი: ლევან კორღალიძე
ტორპედო (4-2-3-1): კვასვაძე - გეგეჭკორი, ჭიჭინაძე, კობახიძე, ხურცილავა - გიგაური, ჩაჩუა - ქავთარაძე, წიქარიძე (67. კაპანაძე), ლუკა (82. ნებიერიძე) - ზივზივაძე (71. დოლიძე)
სათადარიგოები: ქვილითაია, ტაბატაძე, მუკბანიანი
მთავარი მწვრთნელი: კახა ჩხეტიანი
გაფრთხილება: დავითაშვილი (40), ხურცილავა (56), ჭანტურია (57)
არბიტრი: გ. ყრუაშვილი

ამ გუნდებს შორის გამართული პირველი, ქუთაისური შეხვედრა "ლოკომოტივის" გამარჯვებით დასრულდა. რა თქმა უნდა, ქუთათურები ყველაფერს გააკეთებდნენ რევანშის ასაღებად. სანამ უშუალოდ თამაშზე გადავიდოდეთ, ორ მნიშვნელოვან გარემოებას გავუსვათ ხაზი. "ტორპედოს" დისკვალიფიკაციის გამო აკლდა მათე ცინცაზე. გუნდმა უკანასკნელ წამს მოისაკლისა გაციებული უკრაინელი მცველი, ოლეკსანდრ აზაცკი. რაც შეეხბა

"ლოკოს", ლევან კორღალიძის გაწვრთნილ გუნდს დისკვალიფიკაციის გამო არ ჰყავდა სანდრო გურეშიძე.
თითქოს, კრიზისი არც ყოფილა...

ყველასათვის ცნობილია, რომ ამ შეხვედრის წინ ქუთაისის "ტორპედოში" ფინანსური კრიზისი იყო. ამის გათვალისწინებით ბევრი ელოდა, რომ "ტორპედოს" იმთავითვე გაუჭირდებოდა, მაგრამ ასე არ მოხდა, უფრო პირიქით.

როგორც ჩანს, კახა ჩხეტიანმა ერთხელაც შეძლო ფეხბურთელების მოტივირება და ეს ძალიან კარგად აისახა "ტორპედოს" თამაშზე. მეტიქ, ოუთათურებმა შეხვედრის დასაწყისშივე მიიღეს უმნიშვნელოვანესი ფორა.

გოლები ერთმანეთის მიყოლებით გავიდა. პირველი ტაიმის მთავარი გმირი (მთლიანად თამაშის ერთ-ერთი საუკეთესო მოთამაშე) ნოდარ ქავთრაძე გახლდათ. მან ჯერ ამბროსი ჩაჩუას შესანიშნავი პასი შეიშნო და "ტორპედო" დააწინაურა, მერე კი ქუთათურთა შეტევის მარჯვენა ფლანგზე რაკეტასავით გაიჭრა, მის წინააღმდეგ თამაშის წესი დაირღვა და ბუდუ ზივზივაძემ 11 მეტრიდან შეაგდო. მან პანენკას სტილში დაარტყა.

"ტორპედომ" ძალიან დამაჯერებლად მიიყვანა გამარჯვებამდე შეხვედრის პირველი ტაიმი. ქუთათურები ერთობ ორგანიზებულად და გუნდურად მოქმედებდნენ."ლოკომოტივს" კი ბოლო ფაზაში სიზუსტე აკლდა.

ისევ ტორპედოს დომინაციით

მეორე ნახევარი ისევ "ტორპედოს" დომინაციით დაიწყო. მერაბ გიგაურმა შორიდან დაარტყა და ძელს დააძგერა ბურთი. შემდეგ შეტევაში კი "ტორპედომ" თავისი გაიტანა. ლევან გეგეჭკორის აქტიურობის შემდეგ ბუდუ ზივზივაძის მირტერ დარტყმული ბურთი მცველებმა კარიდან გამოიტანეს, ლუკას დარტყმულს კი ვერაფერი მოუხერხეს და - 0:3!

არ შეიძლება, არ აღინიშნოს ზურიკო დავითაშვილის კარგი თამაში. მან რამდენიმე მეტოქე მოატყუა, მარხნიდან შეიჭრა მეტოქის საჯარიმოში და დაარტყა კიდეც, მაგრამ როინ კვასხვაძემ შესანიშნავად ითამაშა.

საქართველოს ნაკრების მეკარემ კიდევ რამდენჯერმე ითამაშა შესანიშნავად. მან თემურ შონიასა და ირაკლი სიხარულიძის დარტყმები არ შეუშვა კარში. ასპინძლებმა მაინც გაიტანეს თავისი. შონიამ კარგი გადაცემა მიიღო სამურკასოვისაგან და ისე გაიტანა, რომ კვასხვაძეს "ტორპედოს" გადარჩენის შანსი არ ჰქონია.

საბოლოოდ თამაში "ტორპედოს" დამაჯერებელი გამარჯვებით დასრულდა. კახა ჩხეტიანის გაწვრთნილებმა ეს სამი ქულა აშკარად დაიმსახურეს. რაც შეეხება მომავალს, ყველა ერთად ვნახავთ, როგორ განვითარდება მოვლენები "ტორპედოში". ფაქტია, დღეს ქუთათურებს საქართველოში ერთ-ერთი საუკეთესო გუნდი ჰყავთ.

947
მკითხველის კომენტარები / 0 /
მსგავსი ამბები
რუბრიკის სხვა სიახლეები
;