[VIDEO] ესპანეთის სამეფო თასი. ბარსა! ზედიზედ მეექვსედ!

რეალი-ბარსელონა         0:3 (1:1)
გოლები: 0:1 ლუის სუარესი (50), 0:2 ვარანი (69 ს.კ.), 0: 3 ლუის სუარესი (73-პენ)
რეალი (4-3-3): კ. ნავასი - კარვახალი, ვარანი, სერხიო რამოსი, რეგილონი - მოდრიჩი, კაზემირო (75. ფ. ვალვერდე), კროოსი - ლუკას ვასკესი (68. ბეილი), ბენზემა, ვინისიუსი (81. ასენსიო)
ბარსელონა (4-3-3): ტერ შტეგენი - სემედუ, პიკე, ლონგლე, ალბა - სერხი რობერტო, ბუსკეტსი (86. არტური), რაკიტიჩი - მესი, ლუის სუარესი (79. არტურო ვიდალი), დემბელე (75. კოუტინიო)

"სანტიაგო ბერნაბეუზე" უცნაური კლასიკო ვიხილეთ - უტევდა და ბურთი სულ "რეალს" ჰქონდა, გოლები კი "ბარსელონამ" გაიტანა. ლუის სუარესის მოწადინებით, კატალონიური გრანდი ზედიზედ მეექვსედ გავიდა ფინალში. მისი მეტოქე კი დღეს გაირკვევა "ვალენსიასა" და "ბეტისის" დაპირისპირებაში.

პირველი მატჩი 1:1 დასრულდა და "ბარსას" ფინალში გასასვლელად აუცილებლად გასატანი ჰქონდა, მაგრამ გატანას ვინ ჩივის, ერნესტო ვალვერდეს გუნდი კარსაც ვერ უმიზნებდა. სამაგიეროდ, "რეალი" კაზემიროსა და ვინისიუს ჟუნიორის წყალობით, ტერ შტეგენს არ ასვენებდა. ყველაფერი კი სტუმართა სამი კონტრშეტევის წყალობით შეიცვალა. სამივეში გადამწყვეტი პერსონა ლუის სუარესი იყო.

შაბათს ეს გუნდები ისევ "ბერნაბეუზე" დაუპირისპირდებიან ერთმანეთს - ლა ლიგის ეგიდით.

ფაქტები

* "ბარსელონა" ესპანეთის თასის ფინალში ზედიზედ მეექვსედ გავიდა. ეს სარეკორდო რიცხვია.
* ლუის სუარესმა "ბარსელონას" მაისურით 11 გოლი (13 მატჩში) გაუტანა "რელას".
* ვინისიუსმა პირველ ტაიმში 5-ჯერ დაურტყა "ბარსელონას". ამ სეზონში კატალონიელებს ეს აქამდე ვერავინ გაუბედა.

ყოველდღიური სპორტული გაზეთი "ლელო"
1390
მკითხველის კომენტარები / 0 /
მსგავსი ამბები
რუბრიკის სხვა სიახლეები
;