[VIDEO] ეს უკვე საინტერესოა: ტორონტომ მილუოკის გაუთანაბრა

"ტორონტოსა" და "მილუოკის" სერიაში, ჯერჯერობით, მხოლოდ მასპინძლები იგებენ და ოთხი მატჩის შემდეგ, ანგარიში თანაბარია - 2:2. დიდია იმის ალბათობა, რომ ამ სერიაში საქმე მეშვიდე მატჩამდე მივიდეს.

"რეპტორზმა" ყოველგვარი პრობლემის გარეშე მოიგო მეოთხე შეხვედრა. ყველაფერი მეოთხე მეოთხედის დასაწყისში გადაწყდა, როცა 94:81-ზე კანადურმა კლუბმა 10:3 გაქცევა მოაწყო და 20-ქულიანი უპირატესობა მოიპოვა. ამ 10 ქულიდან შვიდი სათადარიგო გამთამაშებლის ფრედ ვანვლიტის ანგარიშზე იყო. ამ კალათბურთელმა წინა სამ მატჩში 20-დან 16 ტყორცნა ააცილა, მაგრამ, ამჯერად, ექვსიდან ხუთი ჩააგდო და სამივე სამქულიანი გამოიყენა. მას მხარი აუბა კიდევ ორმა რეზერვისტმა - პაუელმა და იბაკამ 18 და 17 ქულა ჩააგდეს. ჯამში კი ამ ტრიომ 48 ქულას მოუყარა თავი, მათი სარგებლიანობის კოეფიციენტი კი თითქმის "+30"-ს მიუახლოვდა, რაც იმას ნიშნავს, რომ, როცა ეს სამეული მოედანზე იყო, "ტორონტომ" მეტოქეს 30 ქულა მოუგო!

"მილუოკისთვის" ეს იყო ზედიზედ მეორე წაგება ექვსმატჩიანი მოგებათა სერიის შემდეგ. რეგულარულში "ბაქსმა" მხოლოდ ერთხელ წააგო ზედიზედ ორი მატჩი - 2 მარტს "იუტასთან" და 4 მარტს - "ფინიქსთან".

აღმოსავლეთი
ტორონტო-მილუოკი 120:102
32:31, 33:24, 29:26, 26:21
ტ: ლაური (25+6 პასი), კ. ლეონარდი (19+7 მოხსნა+4 ჩაჭრა), მ. გასოლი (17+7 პასი), სიაკამი (7+6 პასი), გრინი (4) - სასტარტო; პაუელი (18), იბაკა (17+13 მოხსნა), ვანვლიტი (13+6 პასი).
მ: მიდლტონი (30+6 მოხსნა+7 პასი), ანტენტოკუნმპო (25+10 მოხსნა+5 პასი+3 დაფარება), მიროტიჩი (11), ლოპესი (8), ბლედსოუ (5) - სასტარტო; ილიასოვა (7), ჰილი (5), ბროგდონი (4), კონაუტონი (3), ბრაუნი (2), ფრეზერი (2).
სერია: 2-2

824
მკითხველის კომენტარები / 0 /
მსგავსი ამბები
რუბრიკის სხვა სიახლეები
;