[VIDEO] ზაზა ფაჩულიას ყოფილი გუნდის, "მილუოკის" პირველი ნაბიჯი NBA ფინალისკენ

აღმოსავლეთი კონფერენციის ორი საუკეთესო გუნდის სერია "მილუოკის" მოგებით დაიწყო. "ბაქსი" თითქმის მთელი მთელი მატჩი აგებდა, მაგრამ მეოთხე მეოთხედი 10:0 გაქცევით დაასრულა და სერიაში დაწინაურდა. "ტორონტომ" ბოლო რვა ტყორცნა ააცილა თამაშიდან და მთლიანად ჩააგდო ბოლო 12-წუთეული - 17:32.

ბრუკ ლოპესმა თავისი 29 ქულიდან 13 მეოთხე მეოთხედში დააგროვა და მატჩის ერთ-ერთი გმირი გახდა. "მილუოკის" რიგებში ყველაზე შედეგიანი არა იანის ანტენტოკუნმპო, არამედ სწორედ ლოპესი გახდა.

"ტორონტოში" კავაი ლეონარდმა და კაილ ლაურიმ გაიბრწყინეს. მათ შესაბამისად, 31 და 30 ქულა აიღეს. ბოლო მეოთხედში, ლაურიმ შვიდიდან ხუთი ტყორცნა მოათავსა კალათში, მისმა დანარჩენმა თანაგუნდელებმა 15-დან 15 ტყორცნა ააცილეს!

"ტორონტომ" პირველ მეოთხედში მოიპოვა სოლიდური უპირატესობა, რომელსაც თითქმის ბოლომდე ინარჩუნებდა. ეს მაშინ მოხდა, როცა სტუმრებმა 16:0 გაქცევა მოაწყვეს და 19:8 დაწინაურდნენ. ამავე მეოთხედში დაფიქსირდა "რეპტორზის" ყველაზე დიდი უპირატესობა - 13 ქულა. ასე რომ, კანადურმა კლუბმა საკუთარი მოედნის უპირატესობის მიღების რეალური შანსი გაუშვა ხელიდან.

ისე კი, "ტორონტოს" არასოდეს გამოსდიოდა პლეი ოფის სერიების პირველ მატჩებში თამაში - მას ისტორიაში 18-დან 15 პირველი მატჩი აქვს წაგებული.



აღმოსავლეთი
მილუოკი-ტორონტო 108:100
23:34, 28:25, 25:24, 32:17
მ: ლოპესი (29+11 მოხსნა+4 დაფარება), ანტენტოკუნმპო (24+14 მოხსნა+6 პასი+3 დაფარება), მიროტიჩი (13+6 მოხსნა), მიდლტონი (11+11 მოხსნა), ბლედსოუ (9) - სასტარტო; ბროგდონი (15), ილიასოვა (7), ჯორჯ ჰილი (0+4 პასი+4 ჩაჭრა), კონაუტონი (0+6 მოხსნა).
ტ: ლეონარდი (31+9 მოხსნა+3 ჩაჭრა), ლაური (30+8 მოხსნა), სიაკამი (15+6 მოხსნა), გრინი (6+ 6 მოხსნა), მარკ გასოლი (6+12 მოხსნა+5 პასი) - სასტარტო; პაუელი (6), იბაკა (4), ვანვლიტი (2).
სერია: 1-0

577
მკითხველის კომენტარები / 0 /
მსგავსი ამბები
რუბრიკის სხვა სიახლეები
;