[VIDEO] ზაზა ფაჩულია პლეი ოფშია და ყოფილ გუნდს დაუპირისპირდება

ზაზა ფაჩულია პლეი ოფში მეცხრედ ითამაშებს. ქართველი ცენტრის "დეტროიტ პისტონსმა" რეგულარული ეტაპის ბოლო, გადამწყვეტ მატჩში "ნიუ იორკს" სძლია, აღმოსავლეთის კინფერენციაში მერვე ადგილზე გავიდა და პლეი ოფის პირველ ეტაპზე "მილუოკი ბაქსს" შეხვდება.

დეტროიტელები ბოლო ტურის წინ საკუთარ თამაშზე იყვნენ დამოკიდებულები. "ნიუ იორკითვის" უნდა მოეგოთ, რომ მომდევნო ეტაპზე გასულიყვნენ. წაგების შემთხვევაში კი უშუალო კონკურენტის, შარლოტისა და "ორლანდოს" თამაშის შედეგს დალოდებოდნენ.

მიუხედავად იმისა, რომ ლიდერ ბლეიქ გრიფინს არ უთამაშია, "პისტონსმა" "ნიუ იორკს" 115:89 სძლია და პლეი ოფიც გაინაღდა.

ქართველმა ცენტრმა, ტრადიციისამებრ, სათადარიგოთა სკამიდან დაიწყო და პარკეტზე 16 წუთი გაატარა. ამ ხნის განმავლობაში მან 6 ქულა, 5 მოხსნა და 3 პასი მოაგროვა. ამასთან ერთად, ბურთი ორჯერ დაკარგა. ზაზამ 4-დან 2 ორქულიანი და 2-დან 2 საჯარიმო ჩააგდო.

პირველი საპლეიოფო მატჩი "მილუოკი ბაქსთან" 14 აპრილს გაიმართება. შეგახსენებთ, რომ ზაზას "მილუოკიში" 3 სეზონი აქვს გატარებული. 

ყოველდღიური სპორტული გაზეთი "ლელო"
1079
მკითხველის კომენტარები / 0 /
მსგავსი ამბები
რუბრიკის სხვა სიახლეები
;