[VIDEO] თორნიკე ოქრიაშვილის მაგიური გოლით ანორთოსისი თასის ნახევარფინალში გავიდა!

თორნიკე ოქრიაშვილმა "ნეა სალამინას" თასის საპასუხო გასვლით მეოთხედფინალურ მატჩში გაუტანა და, შეიძლება ითქვას, ამ გოლით "ანორთოსის" თასის ნახევარფინალში გავიდა. ეს მოხდა 85-ე წუთზე.

ამ გუნდების პირველი მატჩი 1:1 დასრულდა. საპასუხო შეხვედრაში თემურ ქეცბაიას გუნდი ოქრიაშვილის გოლამდე 1:0-ს იგებდა და იყო საფრთხე, თამაში დამატებით დროში გადასულიყო ან სულაც ქართველების გუნდის საწინააღმდეგოდ შეტრიალებულიყო...

მაგრამ ოქრიაშვილის გოლმა, რომელსაც ერთ-ერთმა საიტმა "მაგიური" უწოდა, ყველაფერი თავის ადგილას დააყენა. "მაგიური" კი ალბათ იმიტომ, რომ ქართველ შემტევს გოლი არც თავით გაუტანია და არც ფეხით - მარცხენა მხრით(!) შეაგდო.

ოქრიაშვილთან ერთად ძირითად შემადგენლობაში იყვნენ გიორგი ლორია და ბუბა დაუშვილი.

3029
მკითხველის კომენტარები / 0 /
მსგავსი ამბები
რუბრიკის სხვა სიახლეები
;