[VIDEO] თორნიკე შენგელიას ოქროს ჩატენვა და "ბასკონიამ" "რეალი" მადრიდში დაამარცხა

ესპანეთის ჩემპიონატში მნიშვნელოვანი მატჩი მოიგო თორნიკე შენგელიას "ბასკონიამ", რომელმაც მადრიდში "რეალს" 95:94 სძლია.

მატჩის საუკეთესო კალათბურთელი 26-ქულიანი ბასკონიელი პიერია ჰენრი გახდა, მაგრამ გადამწყვეტ მომენტში იგი მოედანზე არ იყო. სიამაყით შეგვიძლია დავწეროთ, რომ შეხვედრა თორნიკე შენგელიამ მოიგო: საფინალო სირენამდე 25 წამით ადრე, როცა ტაბლოზე 91:91 ეწერა, შენგელიამ იფეთქა, პერიმეტრიდან ფარქვაშ შეიჭრა და ეფექტურად ჩატენა. ამას მოჰყვა მისი ორი საჯარიმო და ლულის სამქულიანის მიუხედავად "რეალმა" შეხვედრის სათავისოდ დასრულება ვეღარ მოახერხა.

თორნიკემ შეუცვლელად ითამაშა, 40 წუთში 16 ქულა, 4 მოხსნა, 1 პასი და 1 ჩაჭრა მოაგროვა.

"ბასკონიას" 8 მოგება, 9 წაგება აქვს და ბექა ბურჯანაძის "გრან კანარიასთან" ერთად მეცხრე-მეათე ადგილებს ინაწილებს.

4056
მკითხველის კომენტარები / 1 /
იური შენგელია
0
რაც კარგები ვართ, შენგელიები ვართ!
მსგავსი ამბები
რუბრიკის სხვა სიახლეები
;