[VIDEO] თუშიშვილის სასწაული ფინალში! იპონისთვის წუთიც არ დასჭირდა! კიდევ ერთი ოქრო დიუსელდორფში

კვირა დიუსელდორფის გრანდ სლემზე


კვირას ძიუდოისტთა დიუსელდორფის გრანდ სლემდე ასპარეზი მძიმეწონოსნებს დაეთმოთ. ჩვენი ნაკრები ამ წონებში ასე იყო წარმოდგენილი:

-90კგ: ბექა ღვინიაშვილი, ლაშა ბექაური
-100კგ: ნიაზ დიასამიძე, გიორგი ჩიქოვანი
+100კგ: გურამ თუშიშვილი, ონისე ბუღაძე

გურამ თუშიშვილი დიუსელდორფის გრანდ სლემის გამარჯვებულია!

-90

ბექა ღვიანიაშვილი-ერლან შეროვი (ყირგიზეთი)
ბექა ღვინიაშვილი-სირილ გროსკლაუსი (შვეიცარია)
ბექა ღვინიაშვილი-დავლათ ბობონოვი (უზბეკეთი)
ბექა ღვინიაშვილი
-დავიდ კლამერტი (ჩეხეთი)
ბექა ღვინიაშვილი-მამადალი მეჰდიევი (აზერბაიჯანი)

ღვინიაშვილი აშკარა ფავორიტი იყო ყირგიზთან პირველივე ბრძოლაში და ეს მალევე დამტკიცდა, როცა მეტოქე ბეჭებზე გააკრა და გააქვავა. შემდეგ წრეში მისი მეტოქე შვეიცარიელი სირილ გროსკლაუსი გახლდათ, რომელსაც მძიმე პაექრობაში სძლია, თუმცა მეოთხედფინალში წააგო დავლათ ბობონოვთან და გადავიდა დამამშვიდებელ წრეში, სადაც ჩეხ დავიდ კლამერტზე გავიდა. აქ გამარჯვების შემდეგ ბრინჯაოსთვის ბრძოლის უფლება მიიღო. მისი მეტოქე აზერბაიჯანელი მამადალი მეჰდიევი იყო, რომელსაც ჩინებული იპონით სძლია და ბრინჯაოს მედლის მფლობელი გახდა.

ლაშა ბექაური-ალექსეის ზარუდნევსი (ლატვია)
ლაშა ბექაური-დავლათ ბობონოვი (უზბეკეთი)

ბექაურმა დაამარცხა ლატვიელი ძიუდოისტი და შემდეგ წრეში შეხვდა უზბეკ დავლათ ბობონოვს. გამარჯვების შემთხვევაში, ჯგუფის ფინალში (მეოთხედფინალი) ბექაური ღვინიაშვილზე გავიდოდა, მაგრამ... ქართველების დაპირისპირება არ შედგა - ლაშა დამარცხდა და ბრძოლას გამოეთიშა.

-100

გიორგი ჩიქოვანი-აიბეკი სერიკბაევი (ყაზახეთი)
გიორგი ჩიქოვანი-ბოიან დოსენი (ყაზახეთი)
გიორგი ჩიქოვანი-ივან რემარენკო (საამიროები)
გიორგი ჩიქოვანი-რაფაელ ბუზაკარინი (ბრაზილია)
გიორგი ჩიქოვანი-ზელიმ კოცოევი (აზერბაიჯანი)

ქართველმა ორივე მეტოქე დაამარცხა და შემდეგ წრეში არაბთა გაერთიანებული საამიროების წარმომადგენელ ივან რემარენკოს დაეჭიდა, მაგრამ ჯგუფის ფინალში დამარცხდა ბრაზილიელ რაფაელ ბუზაკარინთან და ღვინიაშვილის არ იყოს, ისიც დამამშვიდებელში გადავიდა, მაგრამ აზერბაიჯანელი ზელიმ კოცოევთან წააგო და ბრინჯაოსთვის ბრძოლის შანსი დაკარგა.

ნიაზ დიასამიძე-ჯორჯ კიმანი (კენია)
ნიაზ დიასამიძე-ელმარ გასიმოვი (აზერბაიჯანი)

დიასამიძე ჩვენი ნაკრების დებიუტანტია. პირველ ბრძოლაში ის კენიელ ჯორჯ კიმანის გაუმკლავდა, თუმცა ტიტულოვან და გამოცდილ აზერბაიჯანელთან ვერაფერს გახდა და ტურნირს ჩამოშორდა.

+100

გურამ თუშიშვილი-ალიშერ იუსუპოვი (უზეკეთი)
გურამ თუშიშვილი-შაქარმარად მირმამადოვი (ტაჯიკეთი)
გურამ თუშიშვილი-მინ ჯონგ კიმი (სამხ. კორეა)
გურამ თუშიშვილი-რაფაელ სილვა (ბრაზილია)

ორივე ძიუდოისტი პირველ წრეში თავისუფალი იყო და პირდაპირ მეორე წრეში გაარკვიეს ურთიერთობა. თუშიშვილმა მეტოქე იპონით დაამარცხა და შემდეგ წრეში ტაჯიკი შაქარმარად მირმამადოვიც მიაყოლა. შემდეგ იყო ჯგუფის ფინალი სამხრეთკორეელ მინ ჯონგ კიმთან და რთული გამარჯვება იპონით. ასე რომ, თუშიშვილი გავიდა ნახევარფინალში, სადაც ბრაზილიელი რაფაელ სილვა შეხვდა. სამხრეთამერიკელმა 3 გაფრთხილება მიიღო, რის გამოც თუშიშვილს იპონით გამარჯვება მიეკუთვნა და გავიდა ფინალში, სადაც გერმანელ იოჰანეს ფრაისთან ერთი წუთიც არ დასჭირდა იპონისთვის! მეორე ოქრო დიუსელდორფში.

ონისე ბუღაძე-იონას შრაიბერი (გერმანია)
ონისე ბუღაძე-ბეკმუროდ ოლტიბოევი (უზბეკეთი)

ონისემ ვაზარით მოუგო გერმანელს, თუმცა დამარცხდა უზბეკ ბეკმუროდ ოლტიბოევთან და ტურნირს მიღმა დარჩა.

შაბათი დიუსელდორფის გრანდ სლემზე


შაბათს დიუსელდორფის გრანდ სლემზე -73 და -81 კგ წონითი კატეგორიის ძიუდოისტები გამოდიან. 81 კგ-ში ოქროს მედალი მოიგო ტატო გრიგალაშვილმა (81), რომელმაც ფინალში რუსეთის წარმომადგენელი, ოლიმპიური ჩემპიონი ხასან ხალმურზაევი გააკრა ბეჭებზე. ტატომ ბრწყინვალედ იჭიდავა და ორჯერ ცოტა დააკლო იპონს. თუმცა საბოლოოდ მაინც იძალა და გაიმარჯვა.

ნახევარფინალში ტატომყირგიზი ვლადიმირ ზოლოევი დამატებულ დროში დაამარცხა - ბოლოს იმდენი აკოტრიალა, სანამ იპონზე არ დადო. 

მას თავიდანვე ძალიან ძლიერი მოწინააღმდეგე ჰყავდა - იაპონელი მსოფლიოს ჩემპიონი - ტაკანორი ნაგასე, რომელიცდაამარცხა და შემდეგ წრეში იტალიელ ანტონიო ესპოზიტოს დაუპირისპირდა. გრიგალაშვილმა ეს ბრძოლა იპონით მოიგო. 

შემდეგ 20 წლის ძიუდოისტი გერმანელ ალექსანდერ ვიჩერზაკს შეხვდა, ისიც იპონით დაამარცხა და გავიდა მეოთხედფინალში, სადაც ფრანგ ალფა უმარ დიალოს შეხვდა.

ტატომ ძლიერ მოწინააღმდეგეს არაფერი დაუთმო და დამატებულ დროში იპონით სძლია. ახლა ფინალური ბლოკია, რომელიც 20 საათიდან დაიწყება.

ამავე წონაში რუსეთის წარმომადგენელ ასლან ლაპინაგოვთან დამარცხდა და ტურნირს გამოეთიშა ნუგზარ ტატალაშვილი.

-73 კგ-ში ფრიდონ გიგანმა თავიდან ზედიზედ ორი ბრძოლა მოიგო - ჯერ ძიუდოს საერთაშორისო ორგანიზაციის სახელით მოასპარეზე ფარეს ბადავი დაამარცხა, ხოლო შემდეგ მას მაროკოელი აჰმედ ელ მეზიათიც მიაყოლა, თუმცა მომდევნო წრეში იპონით წააგო მონღოლ ცონგბაატარ ცენდ-ოჩირთან.

ამავე წონაში წინ მიიწევს ლაშა შავდათუაშვილი, რომელმაც დამატებულ დროში იპონით სძლია უზბეკ შახრამ ახადოვს, მაგრამ მომდევნო წრეში დამარცხდა სლოვენიელ მარტინ ჰოიაკთან ტურნირს მიღმა დარჩა.

პარასკევი დიუსელდორფის გრანდ სლემზე


60 კგ

ჯაბა პაპინაშვილი-ჯოშუა კატსი (ახალი ზელანდია)

 ჯაბამ მეტოქე ისე დაამარცხა, შანსი არ მიუცია. ორი ვაზარი და მომდევნო ეტაპი.

ჯაბა პაპინაშვილი-შარაფუდინ ლუფტალიევი (უზბეკეთი)

მისი მეორე მოწინააღმდეგე გამოცდილი უზბეკი შარაფუდინ ლუფტალიევი იყო, რომელთანაც ჯაბამ ძრითადი დრო 1:1 დაასრულა, დამატებითში კი ერთი შეტევა გაეპარა და მომდევნო ეტაპზე ლუფტალიევი გავიდა.

თემურ ნოზაძე-მორიტზ პლაფკი (გერმანია)

თემურმა დამაჯერებელი ჭიდაობით დაამარცხა გერმანელი. მეორე ეტაპზე ამერიკელ ადონის დიასს დაუპირისპირდა.

ქართველ ფალავანს გამარჯვებისთვის 2 წუთიც არ დასჭირდა - ამერიკელი იპონზე გადააგორა და 1/16 ფინალში ბრიტანელ მაკკენზის შეხვდა.

თემურ ნოზაძე-ეშლი მაკენზი (ბრიტანეთი)

თუ წინა ბრძოლაში ნოზაძემ 2 წუთი იჭიდავა, ამჯერად გამოცდილ ბრიტანელს 12 წამში მოუგო. მოულოდნელად, ეფექტური იპონით სუფთაზე დააგდო.

1/4 ფინალი

თემურ ნოზაძე-ნაოჰიშა ტაკატო (იაონია)

ნოზაძე იაპონელთანაც აქტიური იყო და არაერთი ილეთიც სცადა, მაგრამ გამოცდილმა მეტოქემ ქართველს არაფერი დაანება და საჩემპიონო ბრძოლა თავად განაგრძო.

რეპეშაჟი

თემურ ნოზაძე-ფრანსისკო გარიგოსი (ესპანეთი)

III ადგილისთვის

თემურ ნოზაძე-თორნიკე ჭკადუა (ჰოლანდია)

შეხვედრა სანახაობრივი გამოდგა, თუმცა რთული აღმოჩნდა გამარჯვებულის ვინაობის გამოვლენა. ძიუდოისტებმა ძირითადი დროის 4 წუთს კიდევ 5 წუთი მიაყოლეს და 9 წუთი იჭიდავეს.

საბოლოოდ ერთი ქულის მომტანი გდება ჭკადუამ განახორციელა, თუმცა ნოზაძემ ეს გააპროტესტა - ქულა არ უნდა ჩათვლილიყოო. მსაჯებმა კი ასე გადაწყვიტეს - ბრინჯაო ჰოლანდიაში გაუშვეს.

66 კგ

ვაჟა მარგველაშვილი-ვაილ ეზინი (ალჟირი)

ვაჟა მთელი სეხვედრა აქტიურობდა, თუმცა ალჟირელი თავს კარგად იცავდა, ბოლო წამს თავად აფრიკელმა სცადა ილეთის შესრულება, თუმცა გამოცდილმა მარგველაშვილმა მეტოქის აქტიურობა კარგად გამოიყენა და გამარჯვების ქულა მოიპოვა. ეს ყველაფერი შეხვედრის ბოლო წამზე მოხდა.

ვაჟა მარგველაშვილი-პაველ პეტრიკოვი (ჩეხეთი)

მორიგი ბრძოლა მარგველაშვილმა ჩეხ პაველ პეტრიკოვთან გამართა. ქართველმა ერთ ეპიზოდში კარგად წამოიღო მეტოქე, მაგრამ ქულა ჩეხს მისცეს, გაბრაზდა ვაჟა და მეორე წამს პაველი ეფექტურად დააგდო იპონზე.

1/8 ფინალი

ვაჟა მარგველაშვილი-იერლან შერიჰჟანოვი (ყაზახეთი)

ვაჟა მარგველაშვილმა მეორე ბრძოლა მოიგო "ჩახუტებით" - იგი ყაზახსაც კარგად შეეკრა, იპონზე დაანარცხა, თავადაც ზედ დაეცა. 

1/4 ფინალი

ვაჟა მარგველაშვილი-ორხან საფაროვი (აზერბაიჯანი)

ვაჟამ მეტისმეტად ეფექტური ჭიდაობით დაამარცხა აზერბაიჯანელი ორხან საფაროვი, რომელიც ერთ ეპიზოდში ტრიალსი მოისროლა, მაგრამ მსაჯებმა ქულა არ გვარგუნეს. ბოლოს კი ჰაერში ლამაზად დაატრიალა და იპონზე დასცა. მარგველაშვილი ერთადერთი ქართველია, რომელიც დიუსელდორფის დიდ მუზარადზე ნახევარფინალში გავიდა.

1/2 ფინალი

ვაჟა მარგველაშვილი-იაკუბ შამილოვი (რუსეთი)

კიდევ ერთი ეფექტური გამარჯვება ვაჟას მხრიდან. ამჯერად მან რუსი შამილოვი დაამარცხა.

ფინალი

ვაჟა მარგველაშვილი-აბე (იაპონია)

ფინალი მართლაც სანახაობრივი გამოდგა, ორივე სპორტსმენმა დაგვანახა, როგორ უნდა შემტევი ძიუდოს ჭიდაობა. მსოფლიოს ორგზის ჩემპიონი აბე უფრო მყარად იდგა ფეხზე და ვაჟას დიდი მცდელობის მიუხედავად გამარჯვება იაპონელს დარჩა.

ბარგატ ნინიაშვილი-ტალ ფლიკერი (ისრაელი)

ბაგრატმა აქტიურობით მოიგო. მართალია თავადაც მიიღო ორი გაფრთხილება, მაგრამ მის მეტოქეს სამჯერ მისცეს შენიშვნა და მომდევნო ეტაპზეც ბაგრატი გავიდა.

ბაგრატ ნინიაშვილი-დან მატუშოვიცი (გერმანია)

ნინიაშვილმა მეორე შეხვედრაც პირველის იდენტურად წარმართა და გერმანელიც სამი გაფრთხილებით გაისტუმრა ტატამიდან.

1/8 ფინალი

ბაგრატ ნინიაშვილი-აბდულა აბდულაზიზოვი (რუსეთი)

ეს იყო შეხვედრა, რომელიც აუცილებლად უნდა ნახოთ...

1/4 ფინალი

ბაგრატ ნინიაშვილი-ბოჟიდარ ტემელკოვი (ბულგარეთი)

ქართველი ფალავანი ნამდვილად არ იმსახურებდა წაგებას. მთელი შეხვედრა უტევდა, მეტოქე ორჯერ გააფრთხილებინა, მაგრამ ბოჟიდარმა ერთი ილეთი სცადა და კარგადაც გამოუვიდა. 

რეპეშაჟი

ბაგრატ ნინიაშვილი-დანიელ კარნინი (ბრაზილია)

III ადგილისთვის

ბაგრატ ნინიაშვილი-იაკუბ შამილოვი (რუსეთი)

რუსეთის წარმომადგენელმა ქულებით გაიმარჯვა.

13585
მკითხველის კომენტარები / 2 /
ავთო
0
საოცრებაა
Tbilisi
0
გილოცავ!!! დამსახურებული გამარჯვება!!!
მსგავსი ამბები
რუბრიკის სხვა სიახლეები
;