[VIDEO ისტორია] გავიხსენოთ, როგორ აჯობა "დინამომ" როტერდამში "ფეიენოორდს" და მსაჯს...

დღეს 22 აპრილია. 38 წლის წინ ამ დღეს როტერდამში თბილისის "დინამო" ევროპის თასების მფლობელთა თასის ნახევარფინალში როტერდამის ფეიენოორდთან 0-2 დამარცხდა, მაგრამ მიუხედავად ამისა მაინც გავიდა ამ გათამაშების ფინალში (თბილისური მატჩი დინამოს 3:0 ჰქონდა მოგებული).

 იმ მატჩის შესახებ "ლელოს" ფურცლებზე ბევრი დაწერილა. დღეს კი გვინდა ქართველი პოეტის და იმ შეხვედრის უშუალო თვითმხილველის ჯანსუღ ჩარკვიანის მატჩისშემდგომი მოგონება გავიხსენოთ, რომელიც 1981 წლის 6 მაისის "ლელოში" დაიბეჭდა:

,,თამაშის დამთავრების შემდეგ გასახდელში ჩავცვივდით, ცალკე ფინალში გასვლის სიხარულით და ცალკე მსაჯთა უსამართლობით გულგასივებულებს ტირილი გვინდოდა და... გული სიმღერით მოვიოხეთ. ,,ცისფერმა ტრიომ" და ანსამბლ ,,ივერიის" ხელმძღვანელმა ალექსანდრე ბასილაიამ გამარჯვების ,,მრავალჟამიერი" დააგუგუნეს, ყველა ავყევით. ბიჭები გასაპნულები იყვნენ, მაგრამ ამას ვინ დაგიდევდათ, , ვეხვეოდით, ვულოცავდით, ვკოცნიდით... ამის მოგონება ახლაც ჟრუანტელს მგვრის, ის ,,მრავალჟამიერი", ალბათ, ჩვენი ცხოვრებისდ საუკეთესო ,,მრავალჟამიერად" დარჩება.

მერე ყიფიანი მოვიდა და შემოგვჩივლა:

,,ნახეთ რა მიქნეს, შხამიანი ბუცები ეცვათ თუ რა იყოო?"

დათოს დასერილ და დალურჯებულ ფეხებს, რომ დავხედეთ, ელდა გვეცა"

3270
მკითხველის კომენტარები / 1 /
tbiliseli
0
რა გუნდი გვყავდა! კაცს ცრემლები წამოგივა, განსაკუთრებით ფეხბურთის გულშემატკივრებს, ამ გადასახედიდან რომ შეხედავ, იმ დინამოს და დღევანდელ დინამოს! მშურს იმ გულშემატკივრების, რომლებიც იმ პერიოდში დადიოდნენ სტადიონზე, გახარებულები, გამარჯვებულები და კმაყოფილები რომ ბრუნდებოდნენ სახლებში ყველა! დასანანია, ძალიან დასანანია, ეგეთი თაობა აღარ მოვა არასოდეს!!!!!!!
მსგავსი ამბები
რუბრიკის სხვა სიახლეები
;