[განახლებული, VIDEO] ის მომავალი სუპერძალაა! WORLD RUGBY-ის ფილმი ქართულ რაგბიზე. პრემიერა. ნაწილი პირველი

მსოფლიო რაგბის ოფიციალურმა გვერდმა ქართული რაგბის შესახებ დოკუმენტური ფილმი გადაიღო, რომლის პირველი ნაწილის პრემიერაც საქართველოს რაგბის კავშირისა და მსოფლიო რაგბის გვერდზე შედგა. ეს ძალიან ლამაზი, საინტერესო ისტორიაა. ნახეთ ფილმი მსოფლიო რაგბის მომავალ სუპერძალაზე - ნათქვამია მსოფლიო რაგბის ვებ გვერდის ანოტაციაში.

ფილმის პირველ ნაწილში მოთხრობილია ძველ ქართულ თამაშზე, ლელო ბურთზე, რომელიც, საყოველთაო აზრით, არის სწორედ იმის მიზეზი, თუ რატომ თამაშობენ ქართველები კარგად რაგბის. გადამღები ჯგუფი იმყოფებოდა გურიის სოფელ შუხუთში, სადაც ტრადიციულ ლელოს დაესწრო და ფირზე აღწერა.

ამას მოჰყვა ქართული რაგბის პირველი ნაბიჯები. მოთხრობა ჟაკ ჰასპეკიანისა და გივი მრელაშვილის ღვაწლის შესახებ საქართველოში რაგბის კლუბების დაარსებასა და ამ სპორტის სახეობის შემდგომი განვითარების საქმეში. საბჭოთა ეპოქასთან ერთად, ფილმში ნახსენებია საქართველოში მიმდინარე ისტორიული მოვლენები, რაც გასული საუკუნის 90-იან წლებში რაგბის განვითარებას თან სდევდა, რაზეც გოჩა სვანიძე, კლოდ სორელი და გიორგი გეგენავა საკმაოდ ვრცლად საუბრობენ.

ამასთან ერთად კომენტარებს აკეთებდნენ საქართველოს ყველა დროის ერთ-ერთი საუკეთესო მორაგბე მამუკა გორგოძე და "ბორჯღალოსნების" თავკაცი მილტონ ჰეიგი. ვეტერანი მორაგბეები გელა მიქაბერიძე და ვალტერ კაპანაძე. ფილმის პირველი ნაწილი 2003 წლის მსოფლიოს თასზე საქართველოს ნაკრების თამაშის კადრებით დასრულდა.

2738
მკითხველის კომენტარები / 0 /
მსგავსი ამბები
რუბრიკის სხვა სიახლეები
;