[VIDEO] კიდევ ერთი დიდი რომანისტა წავიდა ჯალოროსიდან! დანიელე დე როსის ცრემლიანი გაცილება

ფრანჩესკო ტოტის შემდეგ ვისი წასვლა უნდა ყოფილიყო "რომადან" ესოდენ ემოციური და ცრემლიანი? რა თქმა უნდა, დანიელე დე როსის! კიდევ ერთი დიდი "რომანისტა" წავიდა "ჯალოროსიდან", რითაც დასრულდა 18-წლიანი ეპოქა - 458 მატჩი და 43 გოლი!

მაგრამ ეს მშრალი სტატისტიკაა, რომელიც მალევე შეიძლება დაგავიწყდეს, ან საერთოდ არაფრად ჩააგდო. მთავარი ის სიყვარულია, რაც ხალხისგან მოდის და ეს ჩანდა იმ სახეებზე, ვინც გუშინ "ოლიმპიკოზე" იყო შეკრებილი. თამამად ვიტყვით - "რომასა" და "პარმას" ბოლო ტურის მატჩს არ ეყოლებოდა ამდენი მაყურებელი (რომის მთავარი არენა სავსე იყო), რომ არა დანიელე დე როსი!

მან ბოლოჯერ მოირგო "რომას" 16-ნომრიანი მაისურა, რომელსაც კლუბი თავის მუზეუმში უკვდავყოფს. და კიდევ - დე როსი იტალიის რესპუბლიკის სპეციალური ორდენის კავალერია ქვეყნის წინაშე დამსახურებებისთვის. ამ ორდენს იქ ყველა გამვლელს არ ურიგებენ, უნდა დაიმსახურო!..

489
მკითხველის კომენტარები / 0 /
მსგავსი ამბები
რუბრიკის სხვა სიახლეები
;