[VIDEO] კოპა ამერიკა 2019. არგენტინა საფრთხეში, კოლუმბია პლეი ოფში

კოლუმბია-ყატარი  1:0
გოლი: 1:0 ზაპატა (90)
კოლუმბია (4-3-3): ოსპინა - მედინა (46. არიასი), მინა, დავინსონ სანჩესი, ტესილიო - კუადრადო (64. ფალკაო), ბარიოსი, ურიბე - მარტინესი (75. დიასი), საპატა, ხამესი
ყატარი (4-4-1-1): ალ შეები - ალ რავი, ხუხი, ჰასანი - კორეია, ჰეიდოსი (86. დოზანდა), მადიბო, აბდულაზიზი (66. ბუდიაფი), ალი - აფიფი - ალმოეზი

არგენტინა-პარაგვაი  1:1
გოლები: 0:1 სანჩესი (37), 1:1 მესი (57-პენ)
არგენტინა (4-4-2): არმანი - კასკო, პეცელა, ოტამენდი, ტალიაფიკო - პერეირა (46. აგუერო), პარედესი, ლო სელსო, დე პაული (87. სუარესი) - მესი, მარტინესი (67. დი მარია)
პარაგვაი (4-5-1): ფერნანდესი - პირისი, გონსალესი, ალონსო, არსამენდია - როდრიგო როხასი, დერლიზ გონსალესი (90. ესკობარი), სანჩესი, ალმირონი (87. ორტისი), მატიას როხასი - სანტანდერი (72. რომერო)

პირველ ტურში კოლუმბიასთან წაგების შემდეგ, არგენტინის ნაკრებმა ვერც პარაგვაის მოუგო და ახლა ჯგუფური ეტაპის ბოლო ტურში სამკვდრო-სასიცოცხლო მნიშვნელობის დაპირისპირება ელის ყატართან, რომლის შედეგის მიხედვით "ალბისელესტე", შეიძლება, ჯგუფში ჩარჩეს კიდეც.

ანგარიში რიჩარდ სანჩესმა გახსნა, რომელმაც გოლად აქცია მიგელ ალმირონის კარგი პასი. გამათანაბრებელი გოლი კი ლიონელ მესიმ პენალტით შეაგდო.

არავინ იცის, რა და როგორ იქნებოდა, არგენტინელთა მეკარე ფრანკო არმანის რომ არ ეყოჩაღა - მან დერლიზ გონსალესს 11-მეტრიანი აუღო. მოკლედ, არგენტინის ნაკრები გვარიან საფრთხეშია.

პირველი გუნდი, რომელმაც მიმდინარე "კოპა ამერიკაზე" პლეი ოფში თამაში გაინაღდა, გახდა კარლუშ კეირუშის კოლუმბია. ფავორიტები მთელი შეხვედრის განმავლობაში სჯობდნენ ყატარს, მაგრამ ბოლოსღა გაიტანეს - ხამეს როდრიგესმა თავზე დაასვა ბურთი დუვანაპატას და 1:0.

529
მკითხველის კომენტარები / 0 /
მსგავსი ამბები
რუბრიკის სხვა სიახლეები
;