[VIDEO] კოპა ამერიკა 2019. ბრაზილია vs არგენტინა: ფინალი ნახევარფინალში!

ვენესუელა-არგენტინა  0:2
გოლები: 0:1 მარტინესი (10), 0:2 ლო სელსო (74)
ვენესუელა (4-1-4-1): ფარინესი - ერნანდესი, კანსელორი, დელ პინო (56. სოტელდო), როსალესი (83. სეიხასი) - მორენო - მურილიო, ერერა, რინკონი, მაჩისი (71. მარტინესი) - რონდონი
არგენტინა (4-1-3-2): არმანი - ფოიტი, პეცელა, ოტამენდი, ტალიაფიკო - პარედესი - დე პაული, მესი, აკუნია (68. ლო სელსო) - მარტინესი (64. დი მარია), აგუერო (85. დიბალა)

არგენტინის ნაკრებმა მატჩი ისე დაიწყო, როგორც ნამდვილ ფავორიტს შეჰფერის. პირველ ტაიმში "ალბისელესტეს" უპირატესობა აშკარა იყო. ერთადერთი, არგენტინელთა ქომაგებს გულში ხინჯად ის თუ დარჩებოდათ, რომ კვლავ ვერ აჩვენა საკადრისი თამაში ლიონელ მესიმ...

სამაგიეროდ, ძალიან კარგი იყო "ინტერის" შემტევი ლაუტარო მარტინესი. მან ულამაზესი ქუსლურით გახსნა ანგარიში მას შემდეგ, რაც სერხიო აგუერომ ძლიერად დაარტყა ვენესუელელთა კარისკენ. არგენტინელებს კიდევ ჰქონდათ რამდენიმე მომენტი, მაგრამ მეტის გატანა ვეღარ შეძლეს.

წინა მატჩებისგან განსხვავებით, ლიონელ სკალონის გუნდი მეტს ცდილობდა შეტევაში, ბოლივიელი არბიტრი კი მთელი ტაიმის განმავლობაში სტვენდა და ყვითელ ბარათებს აფრიალებდა...

მეორე ტაიმი ისევ ლაუტარო მარტინესის აქტიურობით დაიწყო. მისი დარტყმული ბურთი ძელმა აისხლიტა... ეს იყო და, უპირატესობა მთლიანად ვენესუელამ ჩაიგდო ხელში, თუმცა მხოლოდ ერთხელ დაარტყა კარში - რონალდ ერნანდესს მეკარე პაკო არმანიმ არ გაატანინა.

არგენტინელთა მეორე გოლი კი შეცვლაზე შესულმა ჯოვანი ლო სელსომ შეაგდო მას შემდეგ, რაც აგუეროს დარტყმული მეკარემ ძალიან ცუდად მოიგერია.

ამრიგად, არგენტინის ნაკრები გავიდა "კოპა ამერიკის" ნახევარფინალში, სადაც 3 ივლისს (04:30 ჩვენი დროით) ბრაზილიას შეხვდება. ფინალი ნახევარფინალში! - სწორედ ესაა.

989
მკითხველის კომენტარები / 0 /
მსგავსი ამბები
რუბრიკის სხვა სიახლეები
;