[VIDEO] ლა ლიგა. ბოლო ტურის დრამები - ხეტაფეს ზღაპარი ევროპალიგაზე გაგრძელდება

ლა ლიგის 88-ე ტურნირი უკვე ისტორიის საკუთრებაა, ის “ბარსელონამ” მოიგო 26-ედ კატალონიური გრანდის ისტორიაში. ახლა ის “რეალს” “მხოლოდ” 7 ტიტულით ჩამორჩება.

2019/20 წლების ჩემპიონთა ლიგაზე ესპანეთს დასამტკიცებელი აქვს, რომ წლევანდელი ჩავარდნა და ინგლისური კლუბების დომინაცია შემთხვევითობა იყო. ამ მისიის შესასრულებლად კი ეს ოთხეული მიიღებს ლიგაზე მონაწილეობას: “ბარსელონა”, “ატლეტიკო”, “რეალი” და “ვალენსია”. 

ევროპალიგის ჯგუფური ეტაპის საგზური გაინაღდეს “ხეტაფემ” და “სევილიამ”, მე-2 საკვალიფიკაციო ეტაპიდან დაიწყებს “ესპანიოლი”.
ლა ლიგიდან გავარდნენ “ჟირონა”, “უესკა” და “რაიო ვალეკანო”, ბოლო ორი ახალი ამოსული იყო ელიტაში. 

ლიონელ მესიმ გოლებითაც და საგოლე პასებითაც (36 გოლი, 13 საგოლე პასი) ყველას აჯობა ლა ლიგაში. ლეო ლა ლიგის ბომბარდირი მეექვსედ გახდა, ამით ის ტელმო ზარას გაუთანაბრდა. მესიმ უგო სანჩესს, ქუინისა და ალფრედო დი სტეფანოს აჯობა. 

ზამორას ტროფეი “ატლეტიკოს” მეკარე იან ობლაკმა მოიგო. ეს მან ზედიზედ მეოთხედ გააკეთა! 

თვის საუკეთესო ფეხბურთელთა სია: ლიონელ მესი (სექტემბერი), ლუის სუარესი (ოქტომბერი), ტომაშ ვაცლიკი (ნოემბერი), ანტუან გრიზმანი (დეკემბერი), ინიაკი ვილიამსი (იანვარი), ხაიმე მატა (თებერვალი), ლიონელ მესი (მარტი), იაგო ასპასი (აპრილი). 

ფაქტები

* იაგო ასპასი (სელტა) დავიდ ვილიას შემდეგ მეორე ესპანელია 21-ე საუკუნეში, ვინც ლა ლიგის ზედიზედ 2 ტურში 20 და მეტი გოლი გაიტანა.

* მარტინ მანტოვანიმ (უესკა) დუბლი შეასრულა, მას აქამდე ლა ლიგის 45 თამაშში სულ 2 გოლი ჰქონდა გატანილი. პლუს, “ლეგანესთან” მან გოლი საკუთარ კარშიც გაიტანა.

* მანტოვანი ამ სეზონში პირველი მცველია, ვინც ერთ თამაშში ორივე კარში გაიტანა გოლი.

* “ვალენსია” ჩემპიონთა ლიგაზე მე-12 სეზონს ითამაშებს, ეს მეტია ყველა ესპანურ კლუბზე “რეალისა” და “ბარსელონას” გარდა. 

* “ხეტაფემ” სეზონი 59 ქულით დაასრულა - საუკეთესო შედეგი ამ კლუბისთვის ლა ლიგაში.

* ინიგო მარტინესმა (ბილბაო) ბოლო სამ სეზონში ბურთი ხარიხას 4-ჯერ გაარტყა.

* 18 წლის სერხიო კამელიომ (ატლეტიკო) ლა ლიგაში პირველი გოლი პირველივე დარტყმით გაიტანა. 

* იასპერ სილესენმა (ბარსელონა) ლა ლიგის სამ მატჩში 2 გოლის გამომწვევი შეცდომა დაუშვა, იმდენივე, რამდენიც ტერ შტეგენმა მთელ სეზონში.

* “ბარსელონამ” იპურუაში პირველი გოლი გაუშვა ლა ლიგის ისტორიაში.
* ზინედინ ზიდანმა (რეალი) მწვრთნელის რანგში კარიერაში პირველად წააგო ლა ლიგის ზედიზედ ორი მატჩი. 

* კიკე სეტიენმა (ბეტისი) ამ სეზონში მოიგო “კამპ ნოუზე” და “სანტიაგო ბერნაბეუზე”. ასეთი რამ ბოლოს გრეგორიო მანსანომ შეძლო 2002/03 წლების სეზონში. 

* ქარიმ ბენზემამ (რეალი) ამ სეზონში ბურთი ძელს 6-ჯერ გაარტყა, მეტჯერ ეს მხოლოდ ლიონელ მესიმ მოახერხა - 10.

ლევანტე-ატლეტიკო 2:2
გოლები: 1:0 კაბაკო (6), 2:0 როხერი (36), 2:1 როდრი ერნანდესი (68), 2:2 კამელიო (79)
გაძევება: ა. კორეა (51. ატლეტიკო)

ესპანიოლი-სოსიედადი 2:0
გოლები: 1:0 როსალესი (58), 2:0 ვუ ლეი (65) 

ხეტაფე-ვილიარეალი 2:2
გოლები: 1:0 პორტილიო (13), 1:1 იბორა (44), 2:1 მაკსიმოვიჩი (76), 2:2 მორენო (87)

სევილია-ბილბაო 2:0
გოლები: 1:0 ბენ იედერი (44), 2:0 ელ ჰადადი (90+2)

ვალიადოლიდი-ვალენსია 0:2
გოლები: 0:1 სოლერი (36), 0:2 როდრიგო (52)

ალავესი-ჟირონა 2:1
გოლები: 1:0 ვაკასო (40), 2:0 კალერი (83), 2:1 პორტუ (86)

სელტა-ვალეკანო 2:2
გოლები: 0:1 ემბარბა (29-პენ), 0:2 მედრანი (71), 1:2 ასპასი (82-პენ), 2:2 ასპასი (90+2)

უესკა-ლეგანესი 2:1
გოლები: 0:1 მანტოვანი (39-საკ. კარში), 1:1 მანტოვანი (55), 2:1 მანტოვანი (83)

რეალი-ბეტისი 0:2
გოლები: 0:1 ლორენი (61), 0:2 ხესე (75)

ეიბარი-ბარსელონა 2:2
გოლები: 1:0 კუკურელია (20), 1:1 მესი (31), 1:2 მესი (32), 2:2 დე ბლასისი (45)

თ მ ფ წ ბ ქ
1. ბარსელონა 38 26 9 3 90:36 87
2. ატლეტიკო 38 22 10 6 55:29 76
3. რეალი 38 21 5 12 63:46 68
4. ვალენსია 38 15 16 7 51:35 61
5. ხეტაფე 38 15 14 9 48:35 59
6. სევილია 38 17 8 13 62:47 59
7. ესპანიოლი 38 14 11 13 48:50 53
8. ბილბაო 38 13 14 11 41:45 53
9. სოსიედადი 38 13 11 14 45:46 50
10. ბეტისი 38 14 8 16 44:52 50
11. ალავესი 38 13 11 14 39:50 50
12. ეიბარი 38 11 14 13 46:50 47
13. ლეგანესი 38 11 12 15 37:43 45
14. ვილიარეალი 38 10 14 14 49:52 44
15. ლევანტე 38 11 11 16 59:66 44
16. ვალიადოლ. 38 10 11 17 32:51 41
17. სელტა 38 10 11 17 53:62 41
18. ჟირონა 38 9 10 19 37:53 37
19. უესკა 38 7 12 19 43:65 33
20. ვალეკანო 38 8 8 22 41:70 32

ბომბარდირები: 36 - ლიონელ მესი (ბარსელონა); 21 - ქარიმ ბენზემა (რეალი), ლუის სუარესი (ბარსელონა); 20 - იაგო ასპასი (სელტა); 19 - კრისტიან სტუანი (ჟირონა); 18 - ვისამ ბენ იედერი (სევილია); 17 - ბორხა იგლესიასი (ესპანიოლი); 15 - ანტუან გრიზმანი (ატლეტიკო). 

შენიშვნა: ბარსელონა, ატლეტიკო, რეალი და ვალენსია ჩემპიონთა ლიგის ჯგუფურ ეტაპზე გავიდნენ; ხეტაფე ევროპალიგის ჯგუფურ ეტაპზე, სევილია და ესპანიოლი ევროპალიგის საკვალიფიკაციოში.

ყოველდღიური სპორტული გაზეთი "ლელო"
1308
მკითხველის კომენტარები / 0 /
მსგავსი ამბები
რუბრიკის სხვა სიახლეები
;