[VIDEO] ლა ლიგა. ეჰ, ბარსა, ბარსა... კატალონიურ გრანდს 16 წლის ბიჭმა უშველა

"ბარსელონამ" კიდევ ერთი უღიმღამო საგარე მატჩი ჩაატარა და, კაცმა რომ თქვას, არავინ იცის, რა მოხდებოდა პამპლონის "ელ სადარზე", რომ არა 16 წლის გვინეაბისაუელი ბიჭი - ანსუმანე ფატი, რომელმაც რობერტო ტორესის მიერ თამაშის დასაწყისშივე გატანილი გოლი მეორე ტაიმის დასაწყისში, მოედანზე შესვლიდან 5 წუთში გაქვითა...

სხვათა შორის, მეორე გოლიც შეცვლაზე შესულმა ფეხბურთელმა გაიტანა - ეს იყო არტური, რომელმაც კატალონიელები დააწინაურა. ორივე შემთხვევაში საგოლე პასები 21 წლის კარლეს პერეს საიოლმა მიითვალა.

რა თქმა უნდა, ახლა ერნესტო ვალვერდეზე იტყვიან, რომ მან ერთბაშად ორი შეცვლა გამოიცნო და შეაქებენ კიდეც. საბოლოოდ კი, ლიონელ მესისა და ლუის სუარესის გარეშე მოთამაშე "ბარსელონამ" "ოსასუნას" მაინც ვერ მოუგო - რობერტო ტორესმა პენალტით ანგარიშით 2:2 გახადა და თამაში ასეც მორჩა.

1684
მკითხველის კომენტარები / 0 /
მსგავსი ამბები
რუბრიკის სხვა სიახლეები
;