"ბარსელონამ" 0:2 წააგო გრანადაში. წააგო ულაპარაკოდ, ლამის უშანსოდ. წააგო ლიონელ მესისთან, ანტუან გრიზმანსა და ლუის სუარესთან ერთად, წააგო ამომავალ ვარსკვლავ ანსუ ფატისთან ერთად...

"ბარსელონამ" წააგო გუნდთან, რომელიც ამ მომენტისთვის ლა ლიგის ერთპიროვნული ლიდერია და ჩემპიონატში ბოლო 3 მატჩი ისე მოიგო, ერთი გოლიც არ გაუშვა, მაშინ, როცა "ბარსამ" ზედიზედ მე-2 მატჩში ვერ შეძლო გოლის გატანა (0:0 "დორტმუნდთან" ჩემპიონთა ლიგაში)...

ამიტომაც ვთქვით სათაურში "გრანადას" 2:0-ს რომ უგებს "ბარსელონას", სენსაცია უკვე აღარ არის!..