[VIDEO] ლა ლიგა. სუპერგოლების მატჩი და მესის მორიგი ტრავმა

ლა ლიგის შუა კვირაში "ბარსელონამ" "ვილიარეალს" უმასპინძლა და რთული გამარჯვება მოიპოვა - 2:1. არადა, ანტუან გრიზმანის მიერ დასაწყისშივე გატანილმა გოლმა შექმნა შთაბეჭდილება, რომ "ბლაუგრანა" გოლების ფოიერვერკს მოაწყობდა, მაგრამ...

ასე არ მოხდა. გრიზმანის ეფექტური თავურის შემდეგ ვნახეთ ორი სუპერგოლი - ჯერ არტურის შორეული დარტყმით, მერე კი ვეტერანი სანტი კასორლას "გასროლით". ეს ყველაფერი მოხდა პირველ 45 წუთში. იყო კიდევ საგოლე შანსები, მაგრამ ანგარიში თამაშის ბოლომდე უცვლელი დარჩა.

ტრავმა მიიღო ლიონელ მესიმ, რომელიც შესვენებისას შეცვალეს. მატჩის შემდეგ "ბარსელონას" მწვრთნელმა ერნესტო ვალვერდემ თქვა, რომ მესის ბარძაყის კუნთი აწუხებს, თუმცა არ ფიქრობს, რომ ტრავმა სერიოზულია.

769
მკითხველის კომენტარები / 0 /
მსგავსი ამბები
რუბრიკის სხვა სიახლეები
;