[VIDEO] ლელოები დაუფასდათ: აფრასიძე და გიგაშვილი სიმბოლურში

საფრანგეთის სარაგბო ჩემპიონატის ელიტური, პირველი დივიზიონის მე-11 ტური უაღრესად წარმატებული გამოდგა ქართველი მორაგბეებისთვის. „მონპელიეს“ ცხრა ნომერმა გელა აფრასიძემ და „ტულონის“ შერკინების ბურჯმა ბექა გიგაშვილმა თითო ლელო მიითვალეს. ამასთან ერთად, ორივემ ყოველდღიური სარაგბო გაზეთის, „მიდი ოლიმპიკის“ ყურადღება მიიპყრო. შედეგად, აფრასიძეც და გიგაშვილიც ტურის სიმბოლურ ნაკრებში მოხვდნენ.

შეგახსენებთ, რომ ბექა გიგაშვილისა და მამუკა გორგოძის  „ტულონმა“ შინ დაამარცხა დავით ზირაქაშვილისა და ბექა კაკაბაძის „კლერმონი“ - 41:19. ტულონელები ამ მოგების შემდეგ 29 ქულით მესამე ადგილზე დამკვიდრდნენ.

გელა აფრასიძის, მიხეილ ნარიაშვილის, ლევან ჩილაჩავასა და კონსტანტინე მიქაუტაძის „მონპელიემ“ სტუმრად წააგო ვასილ კაკოვინისა და გურამ გოგიჩაშვილის „რასინგთან“ - 25:29. მონპელიელები 25 ქულით მე-5 ადგილზე არიან.

მე-11 ტურის სიმბოლურ ხუთეულში აფრასიძის ლელო მე-3 ადგილზე გავიდა და მას მხოლოდ ჟოფრი პალისმა (კასტრი) და არტურ ბონევალმა (ტულუზი) აჯობეს.

ბექა გიგაშვილის ლელო


გელა აფრასიძის ლელო


492
მკითხველის კომენტარები / 0 /
მსგავსი ამბები
რუბრიკის სხვა სიახლეები
;